رواية على محيط خصرها تلتف المجرات كاملة الفصول

لكن إنت عكسه .
إبتسمت لثواني وهي تناظره كيف عكسه 
غيث بإبتسامة إنت تحبين التفاؤل تحبين الحياة والنهار أكثر وتحبين غيث طبعا
ضحكت ڠصب عنها وهي تميل وجها لناحيته كنت أنتظر النقطة يلي تمدح نفسك فيها ما تأخرت !
ضحك وهو يجلس وهي جلست بجنبه وجات أمهم العنود تحاكيهم كان من ضمن حوارهم عن أبناء جيرانهم السابقين وألعابهم واللي فتح الموضوع إن ولد جارهم الأكبر تزوج .
ضحك غيث لثواني وهو يناظر أمه تصدقين كنت أغار لو أشوف وهج تلعب مع أحد غيري حتى لو من بنات جيرانا كنت أغار ليه تروح معاهم
ضحكت العنود ڠصب عنها أعرف إنك تغار قالت لك وهج وإنتو صغار إنها تحب الأطفال وتبغى يكون عندنا بيبي ليلتها ما نمت وإنت تترجاني نجيب لها بيبي بس ما يصير أخوها عشان ما يلمسها وتلاعبه
ضحك وهو يحك جبينه بإحراج وإبتسمت وهج بعبط وهي ټضرب كتفه إنت تحبني كذا 
إبتسمت العنود لثواني وهي تنتظر تعبيرات وجه غيث وأكثر بعد الا غيث ترى عندنا ضيوف بيجون العشاء لا تروح مكان
رفع حواجبه وهو يشرب قهوته مين 
إبتسمت لثواني وهي تناظر وهج ومباشرة تغيرت ملامح غيث من قالت خطاب هز راسه بالنفي يابنت الناس توها صغيرة وش خطابه !
_
على_محيط_خصرها
8
بارت 20
وهج بذهول وتمثيل متقن وش توي صغيرة قربت أعنس ترى !
غيث وهو يعتدل بجلسته أقول ما بعد خلصتي جامعة
ضحكت وهي تتكي عنده نمزح معاك ما بتزوج لحد ما تجي لنصيبك بنت حلوة تنسيك وهج وطوايفها 
ضحكت بخفيف من تذكرت كلمته وكيف عصب تخسي اللي تنسينياك إنتبهت العنود على تغييرات وهج يلي كانت سارحة بذكرياتها بعيد ثم ضحكت والحين الدموع تجري على خدها قامت وهي تجلس عندها وتمسك إيدها وهج أمي حياتي إسمعيني
رفعت أكتافها بعدم قدرة وإستطاعة وهي تناظر أمها ليه يروح 
زفرت العنود لثواني وتعلق وهج بغيث مو أقل من تعلق غيث فيها للحين تذكر فرحة غيث وقت ولادة وهج لأنه ظل ١١ سنة وحيد وعلى إيد المربيات كان مشتت بين أمه وأبوه يلي كل شخص منهم منشغل بعمله وباقي اليوم للأسف يوهبونه منه ساعة واحدة فقط أبوه يخرج الصباح ويرجع قريب العشاء وأمه تخرج الصباح وترجع الظهر وقت ولدت وهج زاد إهتمام فيصل ب بيته وزاد إهتمام العنود فيهم جزئيا من وقتها وهي معاهم وكانت علاقة غيث ب وهج إستثنائية كان يحبها فوق الحب شيء كثير لدرجة إنه كان يرفض كل مسليات الدنيا لجل يلقى وقت معاها كان من أول ما يرجع بيتهم من المدرسة يرمي شنطته ويركض لعندها يلعب معاها وكان هو خلفها وقت تمشي وكان يتأثر ويزعل على كل طيحة تطيحها كانت العنود تلاحظ كل الأمور بعلاقة غيث ووهج وتمنت كل التمني تعيش معاهم بكل شعورها لكن للأسف ما تقدر . 
دخل فيصل الغرفة ومنظره الجامد رجع حقيقة الأمر الواقع وذكر العنود إنه الندم ما يفيد ونبه وهج إن اللي بكت لجله بهاللحظة مجرد ذكرى .
قامت من مكانها وهي تمسح دموعها بعشوائية غيث قال لي فيه أوراق لك
لحقها فيصل مباشرة والعنود بالمثل وكل أمل فيصل إن اللي يتمناه ويظنه يكون حقيقة .
سكتت لثواني وهي تشوف تيشيرتات غريبة ونظارة سباحة قدامها همست بشبه خيبة أمل مو شنطتي .
قرب فيصل لعندها مباشرة وهو يشوف نظارة السباحة وزفر بشبه إرتياح أكيد لهداج ما تبادلتي مع أحد غريب.
العنود وهي تدخل الغرفة بعد ما جاتها الخادمة فيه رجال يبيك بالخارج يا فيصل
نزل للأسفل وإبتسم بهدوء من شاف هداج وهو يصافحه سم
إبتسم هداج بخفيف وهو يمد إيده يصافحه طال عمرك تلخبطنا بالشنط بس
هز فيصل راسه ب إيه وهو ياخذها منه إيه قالت لي وهج تسلم ما تقصر
إبتسم بخفيف لثواني وتذكر حكي أبوه له ..
_
على_محيط_خصرها
بارت 21
حكي أبوه له طال عمرك أبوي يقول ينتظرك بالشرقية ويقول الله يحييك إنت وأهلك .
ميل فيصل شفايفه بخفيف وإبتسم بهدوء قل له إن شاء الله ولا وصلت هناك خله يحاكيني .
هز هداج راسه ب زين وهو يمشي ل السيارة وغاب عن أنظار وهج وأمها اللي كانوا يشوفونه من الأعلى.
رفعت وهج أكتافها بعدم معرفة هو طيب لكن متهور كثير
العنود كيف لقيتيه وكيف لقاك شلون 
زفرت وهج وهي تشرح لأمها غيث له شقتين هناك كنا باللي تعرفوها كلكم بعدين ما أعرف قال بنروح للثانية لما خرج غيث كل هالفترة صاروا السفارة والشرطة عند الشقة يلي تعرفوها ياخذوا كل الأغراض وظلوا إسبوع وثلاث أيام قدامها لما راحو رحت لحدها وكنت أحاول أفتحها بس جاء هذا وخرب كل شيء
إبتسمت العنود بخفيف وش إسمه هذا ولد سبع 
هزت راسها ب إيه ما أعرف إسمه جرحته بال...
إسترسلت وهج بحكيها عن لقائها مع هداج من جرحها البسيط له واللي ظنته طعڼة كبيرة لحد ما وصلوا المطار معه ولحد ما حضنت أمها وكل هذا تحت مسامع العنود يلي معاها وماسكة إيدها ومسامع فيصل يلي واقف عند الباب .
إبتسمت العنود بحزن وهي تمسك إيد وهج يلي أصابعها الوسطى والسبابة والبنصر مكسورين عورك كثير 
هزت راسها بالنفي وهي تشتت أنظارها بعيد ما كنت حاسة فيه حتى الحين ما أحس 
_
بالشرقية الساعة ٢٠٠ص 
ضحك وهو يخرج من المجلس بعد ضحك وسوالف مع عمامه وجلسة ممتعة رغم نغزات عمته مها المستمرة له وحديثها اللي ما ينقطع عن سعد وحديثها مع أبو نواف إنه موج صارت بنتها لأنها حرمة ولدها خرج وهو يمشي لناحية البحر يلي قريب منهم نوعا ما بكل هدوئه وإيديه بجيوب جاكيته وقف وهو يشوف موج وسعد بالجهة الأخرى والبعيدة عنه بشوي لكنه يشوفهم يعرف إنه يغار وغيرته شديدة لكن الحين وقوف موج مع سعد ما هز فيه الشعرة صد بأنظاره بعيد بإستغراب من نفسه وشعوره من توسدت أحضان سعد تشاركه فروته ومع ذلك ما حس إن وده يضرب سعد أو ېصرخ أو حتى يتهدج بمشيه ما وده الا يوقف ويتأمل البحر يلي قدامه ويسأل نفسه فعلا هي كانت حب ولا إعجاب ولا فرض الآخرين .
جلس يتأمل البحر قدامه وسكت من حس فيها تقترب منه ما جلست لكن كانت عابرة وهي تحاكيه ما تحرك بقلبك شيء 
هز راسه بالنفي بهدوء وهو يتأمل الموج قدامه ولا رمش لي طرف
موج بهدوء وهي تجلس بجنبه بس بروح عنك !
إبتسم بشبه سخرية وهو إستحالة يهين نفسه لجل حب أو وهم مثل ما يسميه بعد اللي شافه ما يوقف الموج لو ترحلين الله معك
_
على_محيط_خصرها
13
بارت 22
دخلت عنه ونزل هداج أنظاره ل الرمل جنبه حس بشيء تغير بداخله لكن اللي يعرفه إنه مو هداج المرح الحين ولا هداج الصارم يلي كان عليه يعرف إنه شخص غير عن نفسه وخارج عن ذاته حتى عبارته هذي يعرف قد أيش ټجرح لكنه قالها ولحد الحين ما جرب ضميره يأنبه رفع جواله وهو يشوف رسالة من رقم غريب عليه لكن محتواها واضح 5 أغسطس يذكرك