انا عايزه احكى مشكله وعايزاكم تقولولى انا اللى عملته صح ولا غلط

زي القمر لحد في سنة ٢٠١٦ جوزي اتعرض لعملية ڼصب كبيرة اخدت كل اللي وراه واللي قدامه هو عنده محل بتاعه بس ايجار وصلت لدرجه انه مكنش عارف يدفع الايجار والمحل فضي من البضاعة وانعكس علينا في البيت والله في ايام مكنش بيبقى في البيت غير ٥ جنيه وبعد ما كان بيساعد كل اللي يعرفه من قرايبه او اصحابه او إخواته هما اللي بقوا يساعدوه ويجبولنا حاجات للبيت والحال اتدهور جدا فوق ما تتخيلو وهو مبقاش عارف يعمل ايه ومفيش اي تقدم والديون كترت وكان عنده فيزا من اكتر من بنك مبقاش عارف يسددها وكانوا بيرحو له الشغل ويجوا البيت واتبهدلنا بعد ما كنا عايشن في خير وبنعمل كل اللي عاوزينه جيت في سنة ٢٠١٨ اخرها كده مبقتش قادرة استحمل واهلي شجعوني اني ارفع عليه خلع وللأسف عملت كده من غير اي وعي ولا إدراك للي بعمله وهو بصراحه اتمسك بيا وحاول يخليني اقعد معاه ويوعدني انه هيحل كل المشاكل ديه بس انا كنت مصره وفعلا اطلقت وسبته واخدت بناتي وقطعنا علاقتنا به وهو كان كل فترة يشوف البنات وخلاص وكان بيبكي لهم من وحشته لهم للاسف هو ده اللي كان بيحصل لحد ما جات فترة كورونا وزي ما يكون جاتله طوق نجاة من اللي كان فيه لان كل الناس بطلت تطابله بالديون والبنوك ادت مهله ٦ شهور وهو عمل جروب واشتغل اون لاين وقفل المحل والحال اتبدل معاه والطلبات مبقاش ملاحق عليها لان وقتها كل حاجه كانت اون لاين وحالته فضلت تتحسن لحد ما عدى كل المشاكل اللي كانت عنده وانهارده ماشاء الله بقى حاله بقى احسن من الاول بكتير واخد محل تاني كبير و عنده كمان اكتر من نصف مليون عميل في الجروب بتاعه والبضاعة اللي بيعرضها بتتخطف في ساعة بالظبط وبسمع عنه كل خير ومن شهرين عرفت انه بيدور على واحده يتجوزها واللي قالي واحده معرفه فقولتها تحاول تصالحني عليه لاني لسه بحبه ورافضه اي حد يتقدملي او اني اتجوز تاني بس هو رفض وقالها ربنا يرزقها بالاحسن مني واللي يملى عينها ومتشوفش غيره انا اټصدمت والله وبالرغم انه مش مقصر مع بناته وكل يوم او يومين يبعتلهم حاجات او فلوس بس مش بيجيب اي سيرة لهم ولا سؤال عني انا نفسي ارجع له تاني وعندي استعداد لاي اعتذار او شيء يطلبه مني في سبيل انه يرجعلي بس هو مش مديني فرصه نهائي لاي حاجه انا عاوزه تشوفلي اي طريقة اقدر ارجلعه تاني ومحدش من اهلي يقدر يدخل في الموضوع ده عشان اللي حصل منهم قبل الخلع انا بجد اتمنى يشوف رسالتي ديه ويقبل اعتذاري ويرجع لبيته وبناته بدعي ربنا في كل الاوقات انه يؤلف بين قلوبنا انا بجد زعلانه اوي من نفسي اني عملت كده اسفه اني طولت عليكم اعذروني بس والله الكلام كتير اوي واختصرته جدا