جوزى طلقنى

معايا ده وكتر خيرك انك اشتريتي الشقه وخلتيني فيها ورحمتيني من القاعده عند حماتي دي كانت زمانها جوعتني انا وولادي انا عارفها كويس
نانسي
لا ياحبيبتي ماهو ما ماخدتش الشقه عشان سواد عيونك لا عشان تبطلي كل شوية تتكلمي وتقولي اننا قاعدين عندك انا وجوزي انا عملت كده عشان متفتحيش بوقك معايا في حاجة تاني
فرحة
حاضر يانانسي انا مش هفتح بوقي وربنا يستر بقا
نانسي
هيستر ياحبيبتي وبعدين ده جوزي وانا مش بعمل حاجة غلط ولا حرام
فرحة
اه ماشي بس ده جواز برضو في السر وميصحش
نانسي
اسمعي يافرحة انا لسه كنت بقول لك ايه دلوقتي انك تسكتي ومتفتحيش بوقك خالص ووسعي بقا كده خليني ادخل اغير هدومي قبل جوزى مايجي وعايزكي تنزلي السوق تعملي 

لينا اكله حلوه اه جوزي عايز يتغذي يا حبيبتي 
وخدي خلي الفلوس دي معاكي ومن النفس 
الاكل اللي هتجيبي ليه لينا ابقي هاتي لعيالك
فرحه 
كتر خيرك والله مش عارفه اشكرك ازاي
نانسي 
لا يا حبيبتي أنا ببعد عين عيالك عن اكلنا 
اه معرفش اي اللي ممكن يحصل لينا لو عيالك 
بصوا في الاكل عن اذنك
و سابتني ودخلت الاوضه وفضلت اعيط على حالي واتصل بيا على جوزي وقالي
عامله ايه يافرحة طمنيني عليكي وعلى البنات
فرحة
الحمد لله ياعلي احنا كويسين ياحبيبي انت اللي عامل ايه بقالك فترة مش بتبعت فلوس ومش بتتكلم في ايه انا كنت قلقانه عليك اوي
على
ابدا بس الحال هنا مبقاش اللي هو مبقاش في فلوس زي الاول انا عارف اني مقصر معاكم ده انا حتى مش عارف اكلم امي عشان هتقولي انها عايزة فلوس وانا مش عايز أحسسها بحاجة
فرحة
لا ياعلي كلمها ارجوك وعرفها انك مش بتبعت لأنها بتتهمني انك بتبعت لي الفلوس وهي لا وانا اااا اصلا عايشه من فلوس اختي نانسي هي اللي بتصرف علينا
على
ايييه بتقولي ايه يافرحة وليه اختك تصرف انتي مش معاكي فلوس خالص محوشاها
فرحة
منين ياعلي احوش منين انت مبعتش بقالك كام شهر وعيالك محتاجين ياكلو ويصرفو اجيب منين انا بقا وامك كانت بتاخد مني الفلوس وكانت 
بتدي ليا مصروف زي العيال الصغيره
على
ماشي يافرحة اقفلي دلوقتي وانا هبقا اشوف حل يلا سلام
وقفل معايا وفضلت قاعده محتارة وخاېفه لموضوع نانسي ينكشف
واتصل على بمامته وقالت له
ااه ياحبيبي هي بتقولي أن اختها اللي بتصرف ومخبيه عليا انك بتبعت لها فلوس
على
ماهو انا فعلا يا أمي بقالي فتره مش ببعت لان حال الشغل هنا مش ولابد الحياه بقت صعبه اوي يا أمي
الام.
خلاص ياحبيبي يبقا تنزل مصر وتشتغل هنا اي شغلانه المهم انك تبقا وسطينا بدل الغربه والبهدله اللي انت فيها دي
على
انا بفكر اعمل كده فعلا انا قريب جدا هنزل مصر وابقي اشوف حاجة اشتغلها 
وقفلت معاه وكانت مديحة قاعده معاها وقالت لها 
انتي مقولتيش لعلي ان اختها اشترت الشقه عشان لما يرجع مش يتفاجأ ان الشقه ابتاعت
الحما
لا مرضتش اعرفه لما يرجع بقا هو يبقا يعرف لوحده
ونانسي رجعت من بره حماتها قالت لها
هو انتي بتروحي فين يانانسي انا بلاحظ انك بقالك فترة بتخرجي وبتتاخري
نانسي
انا بروح عند اختي عشان انتي عارفه انها جوزها مسافر فابروح اقعد معاها عشان بناتها بيمسكو فيا ومش بيرضو يخلوني امشي اعمل ايه
الحما
بصراحة انا عايزه اعرف انت فكرتي في موضوع الجواز من أسامة ولا لسه انا عايزة اطمن عليكي يابنتي
نانسي
ياحماتي اطمني انا كويسة كده اوي ومش عايزة اتجوز وفي الوقت ده دخل اسامه وقال
اسامه 
وبعدين معاكي يابنت الناس هو انا فيا ايه يتعيب عشان ترفضيني كده ده انا حتى هعوضك عن المرحوم
نانسي
وهي مراتك تعرف الكلام