رواية زوجة للايجار كاملة الفصول بقلم اسماعيل موسى

كان فرح قرأت افكارى، قالت متستغربيش، الباشا ممكن يهد الدنيا كلها لحد ما يوصلك
مش لأنك جميله، لا
لأنك رفضتيه،الباشا دا مريض نفسى، ليه ماضى قذ*ر هو الى بيخ.ليه يعمل كده

فى عربية الإسعاف عمر كان ما بين المoت والحياه، وكان بيهلوث بكلمه واحده
مروه، مروه

نقلوه للمستشفى وقدرو يوقفو النزيـ.ـف فى اخر لحظه

كان الباشا داخل سيارته مولع سېجار بينفخ من الغض.ب، عمال يش*تم
ويتوعد حراسه بالق*تل 
كان عصبى جدا وتخلى عن هدوئة

اتصل باصدقائه من الشرطه، ضباط المرور، المخربين السريين
وقدر يعرف ان شخص ملثم شوهد مع امرأتين سايق عربيه فى الطريق الرئيسى وانه اختفى فى منطقة الهانوفيل

الباشا بحن*ق
انتم حراس كلا*ب ، مفيش فايده منكم

انا هجيب الك*لبه دى بنفسى

انطلق الباشا بعد ما جمع حراسه كلهم ناحية الهانوفيل
مكنش عارف مروه اختفت فين، لكن كان مصر، انه يفتش كل زقاق لحد ما يلاقيها.

داخل المنزل القديم، طمن زياد مروه ان محدش يقدر يوصلهم هنا
خطته نجحت ومفيش اى داعى للخو.ف
وقال انهم هيستنو شهر كده لحد ما الأوضاع تهدى بعد كده يشوفو هيعملو ايه

ونزل اشترى اكل، بعد ما كلو، قلهم تقدرو تنامو وانا هنزل على القهوه اقعد شويه

#زوجه_للايجار
 #زوجه_للايجار

                    ١٤

جلس زياد على المقهى يسلى وقته ونيته ان  يستكشف المكان، ويرى ان كان فيه شيء غريب فى المنطقه
وتصادف وجود صديق له فى القهوه، بعد الترحاب راحو يعلبون الطاوله، كان زياد مطمن انه بعيد عن عيون الباشا ورجالته إلى كانو فى نفس اللحظه بيفتشو البيوت بسريه بملابس مفتشى  كهرباء ومياه
ليس كل العماير لكن الأماكن المشتبه فيها إلى دلهم عليها المخبرين السريين وكان الباشا خلفهم يعاين البيوت من سيارته رفقة ضابط مباحث محنك قرر تقديم مساعدته لصديق قديم

فتشو معظم المنطقه ومكنش فاضل قدامهم غير مجموعة بيوت متفرقه فى وسطها بيت قديم نايمه جواه مروه وفرح

عندما انتبه زياد كان الأمر خرج عن السيطره، تقريبآ كان محاصر
حتى الخروج من القهوه كان هيبقى مخاطره لان شكله معروف ومطلوب من الشرطه فى سړقة سياره مبلغ عنها
نفس السياره إلى تركها زياد على بداية الطريق السريع

قرر زياد ان يضحى بنفسه ويركض من المقهى وينادى على فرح ومروه حتى يتمكنو من الهرب
صاحبه كان صايع قديم ، مسك ايده وطلب منه يثبت
انت كده هتخسر نفسك وهتخسرهم
حتى لو صړخت عليهم مش هيقدرو يهربو

اختفى زياد داخل القهوه، ولاحظ ان سيارة الباشا توقفت وكمان عربية الحراس وخلاص هيرجعو لأن البحث فشل

طلع محمد من العربيه ووقف فى نص الشارع وحط اديه فى وسطه وعنيه بتدور

الباشا قال مش معقول يكونو فى البيت المتدمر ده احنا هنمشى

محمد سكت شويه وقال فى نفسه ولو لازم بالمره افتش البيت ده

خد حارس معاه ومشى ناحيت البيت، باب البيت كان متهدم
لكن كان فيه غرفتين داخلتين
شاف عربيه فى وشه وضحك محمد، الظاهر هما هنا

سحب المس*دس ودخل البيت جوه، فتح الباب ودخل اول غرفه
لقى مروه وفرح نايمين