رواية أميرة القصر المجهولة كاملة بقلم اسماعيل موسى

بلسانه الناعم
اخيرا يا اخى انا كنت مفكراك مت
وقدرت اوصل عند ادم
ادم كان قدر يرفع ضهره ويتكى على جذع شجره ولما شافنى كان بيبكى ودموع ماليه عنيه
قال ادم دارين كنت اعتقد انى فقدتك
وشعرت بقلبى يدق بقوه رفرفرة الف جناح عصفوره ولازال لعابه على عنقى أشعر به يتغلغل داخلى
______
يتبع
كل الذين يعاهدونا على البقاء فى الغالب
يكونو اول الراحلين فلا تندهش
أدم قدر ينهض جسمه واستند على كتفى وكنت شايله باكو فى حضنى
واحنا فى طريقنا للقصر حكيت لادم على إلى حصل معايا فى الغابه
ادم كان بيسأل كتير عن شكل الشاب والفتاه إلى هاجمونى لكن لم جات سيرة الحيوان الضخم ادم مكنش مندهش وقال إنه شاف الحيوان ده وانه كان سبب بقائه حى حتى الأن وحكالى إلى حصل فى الغابه وان الحيوان دا اسمه اردا ودلوقتى هو زعيم الغابه والمناطق المحيطه بها وبدأت استوعب انا عايشه فين
ومع مين وحجم الصراعات إلى بتدور حواليه وكان مطلوب انى أصدق كل دا ببساطه وكانت فيه حاجه شغلانى جدآ انا جنسى ايه
وسألت ادم يعنى انا هتحول زيكم
ادم صمت دقيقه كان بيفكر بعدها بص فى عنيه وقال دارين انتى وريثة سلاله نقيه ملكيه اصليه منحدره من الذئب الأول اتون
إلى اعرفه انك المفروض تتحولى زينا وانك هتمتلكى قوه جباره
بل المفروض انك تكونى اتحولتى قبل كده من زمن بعيد
وخجلت ان أخبر ادم عن إلى حصل معايا بالأمس وكيف جسمى شهد تغيرات عجيبه وانا أصابع قدمى كانت حجمها بيكبر وعنيه لونه اتغير للأزرق وانى لما لبست التميمه حسيت بقوه رهيبه حسيت ان الوضع مش وقت بوح وحكايات وأسرار وان الأهم إنقاذ ادم ووصلنا القصر
واخيرآ حسيت بالأمان بعد ما بقينا داخل السياج لكن ادم رفض يدخل القصر وقال كلام غريب كان بيتكلم عن لعنه وعهد ومواثيق وقوانين
الحكيم سرطاح التسعه
وأصر انه سيظل خارج القصر حتى تشرق الشمس بعدها هيعمل كل إلى اطلبه منه
قلتله انت محتاج دكتور محتاج دفء وعلاج
ادم قال متخفيش احنا أجسادنا بتعالج نفسها وانا عديت مرحلة الخطړ دلوقتى
واضطريت أوافق انا لحد دلوقتى مش فاهمه اى حاجه من القوانين ديه وايه علاقتى بيها
ودخلت القصر احضر مرتبه وغطاء لادم وكان فيه حاجه عجيبه بتحصل معايا قدرت اشيل المرتبه بسهوله وضحكت
فى الماضى كنت عشان انقل مرتبه من مكان لمكان اقعد انا والمرتبه نتقلب على الأرض واجرجر فيها لحد ما ربنا يريد
وخليت ادم نام قدام باب القصر الشمالى وغطيته ببطانيه وباكو نام جنب ادم
وقعدت جنبه أشعلت حطب واحضرت معدات الشاي وقعدنا نتسامر والقمر فوق مننا لغاية ما نمت على صدره
وطلعت الشمس متكاسله من الشرق ونزلت على خدى وفتحت عنيه لقيت نفسي نايمه على صدر ادم وايدى حاضناه
فتحت فمى بغباء نهار مش باين
ايه الى انتى عملتيه ده يا دارين معقول ادم خد باله وانا حاضناه
وخدودى بقيت عامله زى حبة الفراوله
وبعدت عنه سندت ايدى على الأرض ودفعت نفسى وهنا طرت فى الهوا اه والله تحركت حوالى مترين عن ادم
ومره تانيه طلت من وجهى نظرة الغباء والبلاهه هو ايه الى حصل دا
انا بقيت نينجا فعلا
واتحركت بعيد عن ادم للجهه الشرقيه ناحيت البحيره وكان فيه مساحه كبيره قدامى وقررت اقفز تانى وجريت بسرعه وقفزت
قفزت اكتر من أربعة أمتار ووقعت على الأرض ووجهى انغرس فى الطين وقعدت اضحك زى المجنونه وفجأه سمعت صوت مواء باكو
كان ماشى قدام القصر بيعرج على قدمه واندهشت انى سمعت موائه من المسافه البعيده دى
باكو باكو صړخت عليه باكو بص ناحيتى بعيون متكاسله وطنشنى
بلا مبلاه مخزيه وواصل مشيه ناحية القصر
وصلت عند باكو وفتحت باب القصر انا هسامحك يا باكو عشان موقف الرجوله إلى عملته مبارح
يا اخى إلى يشوف حجمك ميقولش يطلع منك كل ده
دخلنا المطبخ حضرت لباكو فطاره وخرجنا من المطبخ لقيت ادم فى وشى
كان شايل المرتبه والغطاء فوق كتفه كأنه شايل قشه وعضلاته المڠريه القويه بارزه من كل حته فى جسمه غطيت عنيه بايدى وبصيت للناحيه التانيه
ادم البس هدومك مش هينفع تمشى عريان فى القصر بالشكل ده
ادم ارتبك وقال انا اسف واختفى فى الرواق بسرعه
زعقت وراه ومتنساش
ترجع معدات الشاي كمان طالما استعدت صحتك وانا هحضر الفطار
ادم قال حاضر دارين حاضر
______________
رجعت المقر بتاعى بعد ما أنقذت دارين وكنت قلقان من إلى حصل
وجود مصاصى دماء فى الغابه امر هيعجل بالدمار والخړاب
لكل قطيع مناطقه وحدوده ودا إلى حافظ على التعايش لغاية دلوقتى
وقررت انى اقوم بمهمه استطلاع لجبل المۏتى والمناطق التى تقع خلفه كان لازم اعرف سبب وجود الشابين دول داخل ارضى
واخترت فرقه قويه من عشر عناصر اشداء اقوياء وخدت معايا دمارا
ولما حل الليل انطلقنا نعدو جهة الغرب كان قدامنا ليلتين طوال للوصول لجبل المۏتى عبرنا غابات اخوار وسبخات سهول ووديان تسلقنا جبال وقضينا نهارنا الأول فى كهوف جبال مرودخ لأن الذئاب بتعود لهيئتها البشريه خلال النهار وفضلت انا بهيئتى الحيوانيه
انا الكائن الوحيد على وجه الأرض الذى يستطيع الأحتفاظ بهيئته خلال الليل والنهار خلال القمر والظلام انا الخلطه الملعونه إلى ابتلى بيها عالمنا الغامض
والدتى نموريه ووالدى مستاذئب وتبنانى مصاص دماء من سلاله ملكيه عندما كنت صغير ومنحنى علامته وعندما حلت الحړب العظمى وتشرد العالم التقيت بافاكون الوحيد من نوعه وعشت معه فى تلال الثلج وشربت دمه لأخر قطره وعندما هاجمتنى الوحوش
عبرت وادى الجان وغصت فى مياه بحر الضباب الأحمر وهناك
سيد اردا علينا أن ننطلق
ايقظنى احد الحراس من شرودى ليس هناك أصعب من تذكر الماضى الذى نحاول الهروب منه وانا ماضى اسود كاليل وما قاسيته لم يكتب فى اى كتاب ولم يحكى فى اى قصه ___انا اردا
يتبع
أسرار
وانطلقنا مره أخرى وكنت اقود الكتيبه وابتعدت عن الوديان الشماليه العميقه المظلمه التى تسكنها كائنات لم يراها احد غيرى
فلا أحد يعرف الأخطار مثلى ولا واحد منهم يعرف ما رأيته ولا يمكنه تخيله انهم مجموعه من الاغبياء كل همهم التنازع على السلطه فى ما بينهم
ولا يعرفون ان هناك خطړ اكبر يزحف نحوهم وعبرنا المستنقع الذى تسكنه الحيات بنات اوا وفقدت حارسين
انهم يعرفون الأن ان هناك أشياء أقوى منهم واشد خطوره
وكان هناك طريق يختصر المسافه الضعفين وقررت ان اقطعه
وكانت دمارا كانت ملتصقه بى محتميه بقوتى ومشينا ببطيء لما وصلنا سهل السراب وزعت الحراس حولى وطلبت منهم ان يتحركو بحذر
وصلنا حدود كائنات الظل ومشينا كالضوء بلا صوت يذكر
كان أمامنا ٥٠٠ متر للوصول لصخرة انتيسون وهناك توجد حفره كبيره داخل الأرض تشبه قبو واسع يمكننا أن نستريح داخلها
وحالفنا الحظ تركتنا كائنات الظل نمر بسلام بعد أن تلوت تعويذتهم ومنحونى اذن العبور فأنا اتحدث لغتهم ولا احد يعرف ما حدث غيرى
ولو جرب اى ذئب عبور ذلك الطريق بمفرده حتمآ ستبتلعه الأرض
ثم أمرت الحراس ان يبقو داخل الحفره ولا يغادروها مطلقآ وأخذت دمارا معى لدخول ارض مصاصى الډماء
حتى لو كان الوضع بالغ الخطوره فليس هناك اى مانع ان تكون معك فتاه جميله تمنحك الدفيء وتلقى بظلالها الانثويه على الرحله
ورأيتهم حراس مصاصى الډماء يراقبونا