روايـــة بين ضلع و بين روح كاملة بقلم ريم سليمان
ظنتي ابجيب لي مشروب تبين
هزت تولين راسها بالنفي وهي تمسك الكتاب تحاول تجمع نفسها وتراجع لكن تفكيرها ابدا مب معاها ..
وقفت وهي تمسك كاس العصير وتتكي تراقب البنات عدلت وقفتها وهي تشوف الاستاذه هيام تمشي لناحيتها
هيام بابتسامه اي لجنه يا كيان
ابتسمت كيان بتلعثم ٤
هيام بنفس الابتسامه وهي تعدل ياقه كيان انا عندكم اليوم شدي حيلك !
ابتعدت هيام عنها بابتسامه لانها سوت مثل ما قال لها الليث وعلقت الجهاز الصغير ب ياقه بلوزتها .
عضت شفتها بشبه غيره الله يهديك يا ليث ! معقوله يحبها ! بس مستحيل ليث مو من هالنوع ابد !! رفعت جوالها وهي تتصل عليه .
الليث وعيونه بالاوراق ايوا
ابتسمت وهي تسمع صوته اللي يآخذ جزء كبير من قلبها حطيته اخاڤ يحسبوها تغش !
عضت شفتها بغيره عفوا
الليث بهدوء وهو يكمل وجهزي نفسك اليوم رايحين بيت اهلي !
وسعت عيونها لثواني پصدمه .
الليث باستغراب هيام !
هيام بتدارك معاك زين !
ارتسمت ابتسامه جانبيه على ثغره سلام !
ابتسمت لثواني وهي تحس بالروقان من نبرته سلام !
ظلت انظارها على كيان طول الوقت كيف هاديه وبحال حالها وسعت عيونها وهي تشوف المراقبه الاخرى تتوجه لعند كيان
المراقبه وهي تأشر ب ايدها على اسمها كيان بنت سلطان بن
كيان بخفوت ناصر !
المراقبه بهدوء ال
رفعت كيان عيونها باستغراب ال حزام !
استغربت كيان من هالمراقبه اللي جالسه تخرق كل القوانين ب كلامها معاها ب وسط اللجنه لا !
هيام فيه مشكله
المراقبه الاخرى بابتسامه لا بس اشوف هالحلوه من بنته ماشاءالله !
عضت هيام شفتها لان الليث يسمع كل شي وابتسمت بتسليك .
المراقبه وهي تنحني على كيان تشوف اوراقها عندك شي
ابتسمت المراقبه وهي تبعد من شافت وجه كيان الاحمر ابتسمت هيام وهي تطبطب على كتف كيان وتمشي .
_
عند الليث
كان يسمع جميع آحاديث كيان والمراقبه وهيام
حط ايده على خده بتركيز وهو يسمع صوتها وواضح انها تحاكي صديقتها .
كيان پخوف ارعبوني
كيان وهي تهف على وجها ليتني اغش وقفطوني ! جتني المراقبه الاولى تقرا اسمي ومدري وشو وتقول فيك عرق اجنبي ! بعدها انحنت علي تشوف ورقتي تقول تبين شي !
ضحكت تولين لثواني اقول انك خرفنتيها لو ما يزبط !
__________________________
كيان بشبه عصبيه تولين !
تعالت ضحكاتها على وجه كيان المحرج ابطلب منك طلب ولا تقولين لي لا طيب !
كيان باستغراب ابهريني !
تولين نخرج من هنا عالمول تكفين !
كيان وهي تآخذ شنطتها تعرفين اني ما احب هالشغلات !
تولين برجاء الله يخليك
كيان اذا وافق ابوي جيت !
تولين بتكشيره على اساس ابوك يقول لك لا ! لو تقولين له افرش لي الارض ذهب ما قصر بس مخك مخ تيس !
كيان بسخريه اقول عن الغلط !
تولين وهي تدخل ذراعها بذراع كيان يلا يا كياني يا حبي يا عشقي قولي طيب !
ضحكت كيان خلاص بس بالاول ابروح بيتنا وتجين معاي !
تولين من عيوني بس آخذ جوالي من سياره السواق واجي معاك !
ابتسمت كيان وهي تلبس عبايتها وتولين قدامها بالمثل .
تولين بتردد كيان !
كيان وهي تسكر ازرار عبايتها وشو
تولين وانظارها بالاسفل وش رايك باللي تحب متزوج
كيان باستغراب كيف يعني !
تولين وهي تجلس يعني تحب واحد متزوج !
كيان وهي تآخذ شنطتها يعني انها ارخصت نفسها لمتزوج !
تولين باندفاع لا مب كذا ! يعني تحبه حب شريف عفيف حتى كلام ما بينهم !
كيان وهي تعلق عيونها بعيون تولين كلميني بصراحه !!
تولين بتأفف ولا شيء خلاص !
كيان تولين !
تولين وهي توقف اسمعي الجرس يعني اطلعوا برا ابجيب جوالي من سياره السواق واجيك طيب !
كيان وهي عارفه انها تصرف زين بس ما بتركك ترا !
ضحكت تولين وهي تلبس نقابها وتخرج
خرجت كيان وهي تدخل بسياره السواق مسكت جوالها وهي تتصل على ابوها .
سلطان بابتسامه وش سوت بنتي الحلوه
كيان بابتسامه بنتك جلدت الاختبار ورجعت وينك فيه
سلطان ببيت عمك خالد !
كيان بابتسامه طيب يا سلطاني ابطلب منك طلب ولا تكسرني زين
سلطان بابتسامه ما يهون علي اكسرك تدللي !
ابتسمت وهي تشوف تولين تدخل ابروح المول مع تولين !
سلطان هذا اللي ما نبغاه عاد !
كيان بنبره استعطاف بتكسرني بعدين بكرا عندنا اوف ما فيه اختبار يعني عادي لو اروح وارجع
ضحك من نبرتها وهو يحك جبينه اخسي اكسرك بس لا تطولين وانتبهي لنفسك !!
ابتسمت بحماس من عيوني يا احلى سلطان بالدنيا !!
سلطان بتروحين البيت
كيان بابتسامه ايه ببدل ملابسي بعدين ابروح !
ابتسم زين فمان الله
كيان بابتسامه بحفظه وسكرت !
.
عند الليث
انتبه انه يبتسم بدون شعور منه وسرعان ما رجعت ملامحه لحدتها الطبيعيه ضحك ڠصب الحين هذي اللي ابورط نفسي فيها لأجل اقهر ابوها !
زم شفايفه لانها بتبدل ملابسها الحين واكيد ما بتخلي بلوزتها عليها وما بيقدر يسمع شي وسرعان ما ارتسمت ابتسامه عريضه بثغره وهو يسمعهم يكنسلون روحتهم للبيت ويكنسلون المول ويتوجهون لمطعم مباشره ابتسم وهو يحمل اللابتوب بايده ويخرج ..
.
بالمطعم ..
قامت تولين تتوجه لدورات المياه رفعت كيان حواجبها لثواني وهي تشوف رقم تعرفه زين وحافظته اكثر من اي شي بالدنيا ابتسمت لثواني وهي تزفر بحب وترد
عبدالعزيز كيان !
ابتسمت بخفوت عزيز
ابتسم لثواني وهو يسند ظهره وينك فيه
كيان بشبه ابتسامه مع تولين بالمطعم
رفع حواجبه لثواني واختباراتكم
كيان بكرا اوف وعادي ما بنطول اساسا !
عبدالعزيز بابتسامه زين اذا تبين شي حاكيني !
كيان وهي تحك جبينها بخجل وصوته يراقص كل خلاياها من هيبته احاكيك انت !
ضحك لثواني ما بتصيرين حرمي بتحاكين مين اذا مو انا !
عضت شفايفها لثواني بحرج عزيز !!
عبدالعزيز وهو عارف انها بټموت من خجلها انا اكره اي شخص يقول لي عزيز ما عداك !!
كيان وهي تطق اصابعها بالطاوله عزيز وعزيز وعزيز وعزيز وعز وعزو وعزوز وكله تكرهني كذا
عبدالعزيز بضحكه بسيطه اصير احبك زياده كذا !!
ابتسمت بخجل وغرور ترا اقول لابوي عنك !
عبدالعزيز باستفزاز ابوك بجنبي ويسمع كل اللي تقولينه !
شهقت لثواني بعدم تصديق وهي تسكت
ضحك بخفوت صدقتي مب بايع نفسي اكلمك بجنبه ! غيره سلطان عاليه الصراحه !
كيان بغيض ابذبحك على كذا !
عبدالعزيز بهمس وهو يشوف صديقه يدق الباب ما تفرطين فيني يلا سلام !
ابتسمت لثواني وهي تشوف تولين داخله سلام !
تولين بغمزه حبيب القلب قلب القلب سميتك !
كيان وهي تسند ظهرها للخلف ابلعي هوا
_________________________
ضحكت تولين وهي تترك نقابها محترمه حتى بالسب وش اسوي فيك ! يا نيال هالعزيز والله !
كيان وهي تحط طرحتها على اكتافها وتخرج شعرها ما نسيت
