روايـــة بين ضلع و بين روح كاملة بقلم ريم سليمان

وهي شوي وتبكي بس شوي الله يخليك !
سلطان بنفس الحده قومي !
غطت وجها بكفوفها وهي تبكي عض طرف شفته لثواني وهو يشوفها تبكي .
سلطان بحزم خمس دقايق واشوفك تحت !
رمت جسدها ع السرير وهي تبكي بغيض وودها تنام فزت من سمعت صرخته ب اسمها وهي تتوجه للحمام بسرعه اخذت شاور وهي تلبس ملابسها وتنزل له .
رفعت حواجبها لثواني وهي تشوفه بالحديقه الخارجيه وبجنبه سلاح ورصاصات .
كيان ليه تصحيني !
سلطان بهدوء وهو يأشر ع الفطور بالاول بعدين نتفاهم !
___________________
ضړبت رجلها بالارض وهي تعبر عن غيضها وسرعان ما ابتسمت بغباء من شافت نظره ابوها الحاده لها جلست ب ادب تام وهي تفطر ابتسم بخفوت وهو يعرف انها خوافه حيل بس هالشي ما بينفعها قدام الليث ابد وهي بنته الوحيده ولو صار له شي لازم آحد يآخذ حقه من الليث وهالاحد ما بيكون الا من نسله .
كيان وهي تجلس ليه مقومني الحين !
سلطان بهدوء ابعلمك ع السلاح !
شتت انظارها بشبه سخريه انا سباحه وما اعرف تبيني اتعلم ع السلاح ! بعدين وش دعوه !
سلطان بهدوء تدافعين عن نفسك انتظرك تأجزين بس بعدها بتآخذين دوره دفاع عن النفس وتصيرين بنتي صدق !
ابتسمت لثواني بس انا اعرف ادافع عن نفسي !
رفع حواجبه لثواني وشلون !
كيان بعبط اقول بنت السلطان ويهرب اقوى قوي بالدنيا !
ما قدر يكبح ضحكته اكثر من كذا وسرعان ما اڼفجر ضحك .
ابتسمت لانها قدرت تضحكه وهي توقف خلاص سلطان ضحك يعني يا كيان اصعدي فوق
سلطان وهو يستعيد توازنه يعني يا كيان اجلسي !
ضحكت وهي تجلس وتآخذ السلاح طيب شوف وقيم اوكي 
سلطان وهو يسند ظهره للخلف ابهريني !
كيان بابتسامه عريضه وهي تآخذ الكاتم لصوت الړصاص ابركب هذا بالاول بعدين اسحبه للخلف لأجل يكون جاهز للاطلاق..
قامت وهي تشوف الاهداف بعيده عنها شوي بعدين يا طويل العمر ارجع رجلي اليسار للخلف ادعم فيها نفسي آخذ نفس عميق واكتمه وو
ارتسمت ابتسامه غرور على ثغرها وهي تشوف رصاصاتها تتوسط الهدف ..
وسع سلطان عيونه ب اعجاب تام وهو يشوف رصاصات تصوبت بنص الهدف بالزبط كيان !!
ابتسمت وهي تعطي وجها لابوها آمرني يا سلطان !
سلطان وهو يوقف بذهول كيف !
ابتسمت ڠصب والله كنت اراقبك وما يمنع اني بوقت سفراتك اوقف واتحدى نفسي صح !
سلطان بابتسامه عريضه وهو يحضنها وهذي بنتي !!
كيان بابتسامه ممكن اصعد انام الحين 
سلطان لا الحين بتصعدين تجيبين عبايتك لانه زوجك جاي !
كيان بشبه تأفف بس انا قلت ما ودي اتزوج !
سلطان بهدوء ما تحبين عزيز 
كيان باندفاع الا بس اا استوعبت انها تتحاكى مع ابوها وسرعان ما انقلبت ملامحها للاحمرار ..
سلطان بابتسامه وهو يجلس انا ادري انك تحبينه وادري انه يحبك بعد لأجل كذا ما اشوف فيه مانع لو اخذتيه من الحين ! صح لو لا 
كيان بخفوت انا مب مستعده اتحمل مسؤوليه !
سلطان بهدوء وهو يمسك كفوفها مين قال انك بتتحملين شي بتظلين عندي بس مجرد اسم انك زوجه عبدالعزيز لحد ما يكون الوقت المناسب وتحسين بجاهزيتك وقتها تروحين لعنده !
كيان باستفسار وليه هذا كله !!
سلطان بهدوء تحسبا لا اي شيء !
رفعت حواجبها لثواني ل اي شي لو الۏحش مسوي شي 
سلطان وهو يسمع صوت سياره عزيز بالخارج ادخلي داخل وابدي ذاكري موادك من الحين !
زمت شفايفها لثواني وهي تدخل للداخل ..
_
بيت هيام 
فتحت عيونها باستغراب وما شافته بجنبها قامت وسرعان ما ابتسمت وهي تشوفه يدخل الغرفه
الليث بهدوء جيبي لي كل شي عنها ولو تحاولين تتقربين منها بعد يكون افضل انا ماشي
هيام باستغراب مين 
رفع نظره لها لثواني وهو يعطيها ظهره ويخرج
تأففت لانها تعرف طبعه ما يعيد كلامه مرتين دخلت تآخذ لها شاور وتحاول تتذكر مين يقصد بكلامه ابتسمت لثواني واخيرا تذكرت اسمها كيان بنت سلطان نشوف وش يبي فيك هالليث يا كيان !
_
بيت ابو الليث 
جلس بمكتب ابوه بهدوء وعيونه بالخزانه مجبور يا طويل العمر !
تقدم بهدوء وهو يفتحها آخذ بعض الاوراق المهمه وشوي فلوس وهو ناوي الروحه لجماعه السياف لو كان على مقتله محد بيساعده كثرهم ..
حطها بالشنطه اللي قدامه وهو يجلس مسك جواله بهدوء وهو يتصل على رقم مساعد السياف .
عوض ايوه !
الليث بهدوء عطني السياف !
عوض بجمود ومين تكون !
الليث بنفس نبرته قل له الليث بن عزام وبيعرفني !
عوض انتظر ثواني !
______________________
عند السياف 
دق الباب وهو يدخل
عوض طال عمرك فيه شخص يبيك !
رفع عيونه له بمعنى مين 
عوض بخفوت الليث بن عزام طال عمرك !
ارتسمت ابتسامه عريضه على ثغره قل له السياف يقابل الرجال خله يجي!
ابتسم عوض وهو يخرج بعد ما أذن له السياف ..
مسك الجوال وهو يرد ع الليث اللي لا يزال ينتظر السياف يقول يقابل رجال تبيه تعال !
ابتسم الليث بخبث مسافه الطريق ! وسكر
_
بيت سلطان 
سلطان بهدوء عزيز فاهم علي 
عبدالعزيز وهو يحط ايدينه ع الورق اللي قدامه الحين انت بعت المزرعه وطلعت لك ٣ مليون اعطيتها الليث وفهمنا باقي ٢ مليون وشلون بتطلعها 
سلطان بهدوء البيت هذا ما اقدر ابيعه ب اسم غيداءزوجته وملك ل كيان من بعدي !
عبدالعزيز باستفسار الشركه شلون قدر الليث يآخذها 
سلطان بهدوء كان عندي ثغرات قانونيه لو مسكها شخص آخر بيزجني بالحبس مباشره الليث عرف عنها واستغلها لصالحه ومحامي الغبي راح يحاول يزبط الوضع اعطاهم ثغره اكبر وصلني الخبر منه بعدين ان الليث يقول يا تنتقل وكاله الشركه له وتصير باسمه يا يستعمل القانون !
عبدالعزيز بذهول ولو استعمل القانون العذر منك يعني بس السچن بهالمواضيع ما بيدوم اكثر من السنه !
سلطان بهدوء السبب مب ثغره قانونيه بس ! عندي تلاعبات كثيره بالحسابات وتحويلات خارجيه ضخمه وانت تعرف جماعه السياف ! احول لهم كل شهر مبلغ وقدره لأجل ما يقربون كيان مثل غيداء !
عبدالعزيز وهو يزفر پغضب بس السياف هنا مب بالخارج !
سلطان بتنهيده يخليني احول على حساباته الخارجيه لو حولت هنا بينكشف على طول !
عبدالعزيز طيب عادي انت رجل اعمال وطبيعي بيكون لك تحويلات ضخمه ! تقدر تلزقها لأجل المصانع وغيره !
سلطان وهو يحط ايده على راسه مصانعي متوقفه عن العمل من لما طاح عزام المناقصه اللي كسبتها ضد عزام خسرتني ملايين اكثر من انها تربحني اوقفت جزء من عمل شركاته والحين ولده بيوقفني كلي !!
عبدالعزيز ما اتوقع الليث طماع بالحيل اخذ منك شركاتك ومصانعك و٣ مليون فوقها تتوقعه بيظل يلحقك لأجل مليونين ما ظنتي !!
سلطان بهدوء بيظل يلحقني لأجل المليونين ولأجل ينتقم لابوه ولأجل ينتقم من كيان بعد !
وسع عبدالعزيز عيونه لثواني كيف !!
سلطان وهو يرجع جسده للخلف رفعت السلاح عليه !!
عبدالعزيز وهو يحط ايده على راسه ومب قادر يفكر اكثر عمي لا تفكر توقف ضده بشيء مب قانوني ! فاهم علي 
سلطان كسر جناحي هالليث ما اقدر اوقف ضده لا بالقانون ولا بغيره !