رواية جواز صالونات حب من اول نظرة بقلم شهد احمد
ام عشق. كانت قاعده و عيونها بدمع وكانت بتفكر في جوزها اللي اټوفي وسابها هيا وبنتها وان ملهمش حد من بعده وان عشق هتتجوز وهتفضل ل وحدها في البيت وملهاش حد وهتعيش ل وحدها بس دي سنه الحياه ولازم بنتها ياجي الوقت أنها تتجوز و تأسس عائله واتمنت لها السعاده وان يزن يحبها ويحافظ عليها وربنا يبارك في عمره ويديمهم ل بعض ونامت من كتر الإرهاق والتعب .
محمد. لولو مبسوطه أن يزن هيتجوز
ام يزن. اووي ي محمد اخيرا هشوفه عريس وهيأسس عائله ويجيب ولاد يمليء علينا البيت وأنه فيه وحده تهتم بيه وكده اللي هو حاجه حلوه
محمد. اكيد ي حبيبتي ربنا يتمملهم علي خير
ام يزن. ي رب ي حبيبي
وفي الصباح عند يزن أسر اتصل عليه
يزن. الو في اي علي الصبح
أسر. ي باشا صبح اي قول ضهر وكده يعني شكلك كنت سهران ي برنس
يزن. يعني قولي عايز اي
أسر. مسكت راجل من رجاله حامد ومعايا في المخزن وقدامي اهو ف مستنيك تاجي وكده
يزن. قام وقال بجد طيب مسافه الطريق واكون عندك خلي بالك ل يهرب منك وأمن المكان كويس وخلي الرجاله تخلي بالها كويس فاهم
أسر. فاهم ي باشا يلا سلام يزن. سلام
وقام جهز نفسه ونزل
ام يزن. يزن حبيبي رايح فين دلوقتي مش هتفطر
يزن. لا انا عندي حاجه مهمه جدا لما اجي
ام يزن. طيب خلي بالك من نفسك
يزن. حاضر سلام وسأبها ومشي
محمد. ماله الولد ده مشي بسرعه لي كده
ام يزن. معرفش ي محمد اتكلم معاه حاسه اني مش مطمنه
محمد. متقلقيش هتكلم معاه واشوفه
ام يزن. طيب
وشويه وكان يزن وصل ل أسر وشاف الراجل اللي كان عايز يخطف عشق ونزل فيه ضړب لحد ما أسر خلص الراجل من تحت اديه وفضل يشتم فيه
أسر. اهدي ي يزن مش كده وبعدين خلينا نفكر هنعمل ايه فيه و فيه اللي مشغله وبعدين ده الايد اليمين ل حامد الكلب يعني خلاص راحت عليه اهدي خلينا نخلص منه
يزن. طيب كويس كده اسمع مني هنعمل ايه ..........
ي ترا يزن هيعمل ايه
جواز صالونات حب من اول نظره
البارت ١٢
أسر. اهدي ي يزن مش كده وبعدين خلينا نفكر هنعمل ايه فيه و فيه اللي مشغله وبعدين ده الايد اليمين ل حامد الكلب يعني خلاص راحت عليه اهدي خلينا نخلص منه
يزن. طيب كويس كده اسمع مني هنعمل ايه ..........
أسر. قول ي صحبي
يزن. لازم الكلب ده يعترف بكل حاجه وتسجل ليه والتسجيل يروح ل الشرطه وكل جرائم حامد الكلب يعترف بيها كمان والشرطه تاخدهم وجهز لي مؤتمر
أسر. تمام بس مؤتمر اي ده
يزن. هبقا اقولك عليه بعد ما نخلص من الكلاب دي
أسر. طيب ودخلوا عند الراجل و يزن فضل يضرب فيه ويخلي رجالته تعذبه لحد ما اعترف أنه هو السبب وراء خطڤ البنت بأمر من حامد لانه عرف انها تخص يزن و السبب الأكبر من وراء أنه عايز يؤذيك انك اخدت اخر الصفقه منه وهو خسر كل فلوسه
يزن. ضربه بالقلم وقاله كمل ي حيوان
الراجل. ي باشا هو ده كل حاجه
يزن. اسرررر شوف شغلك وهو عندك كمل زي ما قولتلك
أسر. تمام.
يزن . مشي راح الشركه واول ما وصل شاف الشغل كل اللي وراء والاجتماعات وقاعد بقا يفكر في عشق وقرر أنه يبعت لها رساله علي الماسنجر
وقال. ازيك ي عشق عامله ايه وقفل علشان يروح بيته
عند عشق كانت قاعده بتكلم ورد
وفجاه جالها رساله أنه يزن بعت لها رساله
عشق. بت ي ورد
ورد. ايوه
عشق. يزن بعت لي رساله
ورد. طيب روحي ردي عليه وكلميه
عشق. طيب سلام
عشق. فتحت الرساله وشافت الرساله ومحتواها
ازيك يا عشق عامله ايه
عشق. الحمد لله بخير انت عامل اي
وبعدها قفلت..
يزن. لما روح لقي أمه قاعده قال لها ازيك ي لولو عامله ايه
ام يزن. بخير الحمد لله إنما طلعت بدري كده روحت فين
يزن. كان عندي شغل مهم وخلصت وروحت الشركه
ام يزن. ربنا يوفقك ي قلب امك
يزن. تسلمي ي امي بقولك أي
ام يزن قول ي حبيبي
يزن. المفروض ننزل نجيب فستان ل عشق علشان الخطوبه بعد بكره
ام يزن. حاضر ي حبيبي بص لو كده خودها هيا وامها وروحوا اشتروا انتوا
يزن. وانتي ي امي لازم تاجي معانا
ام يزن. هاجي لي ي حبيبي خود عشق و امها وروحوا انتوا علشان تعرف تختار براحتها
يزن. طيب هقولها وكده المهم ي لولو انا جعان اووي
ام يزن. حاضر ي حبيبي روح ارتاح وأنا هخلي حفصه تجهز الاكل
يزن. تمام. وقال اومال ابووي فين
ام يزن. في شغله ي ابني عايزه ولا اي
يزن. يعني بشوفه فين
ام يزن. تمام.
يزن. طلع اوضته وفتح التليفون ولقي عشق ردت عليه
يزن. قالها الحمد لله تمام قال انا اخدت رقمك من طنط واستئذنتها اني اكلمك وكده و قولت قبل ما اكلمك فون ابعتلك علي الاكونت الاول انتي اي رئيك حابه أنه نتكلم ولا هدايقك و ساب التليفون وراح يبدل هدومه
عشق. ردت عليه وقالت تمام ولا مش هدايق
يزن. رد عليها وقالها طيب انتي مبسوطه ب علاقتنا مع بعض
عشق. اكيد الحمد لله. وانت مبسوط
يزن. اكيد. وقال لها أنه هيعدي عليها بكره علشان نروح نختار فستان الخطوبه
عشق. تمام
يزن. كنت حابب اقولك علي موضوع مهم
عشق. موضوع اي ده
يزن. ...........
ي ترا موضوع اي ده اللي يزن هيقوله ل عشق
جواز صالونات حب من اول نظره
البارت ١٣
يزن. كنت حابب اقولك علي موضوع مهم
عشق. موضوع اي ده
يزن. كنت عايز اعمل مؤتمر وكنت عايزك تبقي موجوده معايا
عشق. مؤتمر بخصوص اي ده
يزن. هبقا اقولك التفاصيل بكره
عشق. تمام بس انا كنت عايزه اقولك حاجه مهمه واساسيه بالنسبة لي ومن خلالها هيتحدد حاجات كتير عليها
يزن. قولي حاجه اي دي
عشق. انت عارف أنه انا مليش غير ماما في حياتي وانا بصراحه كده مقدرش اني اسبها
يزن. ممكن توضحي اكتر
عشق. يعني أنا مقدرش اني اتجوز واسبها تعيش ل وحدها سبب رفضي ل اني اتجوز هو اني مش عايزه اسبها وهما اللي بيتقدموا لي مكنوش عايزين مامتي تعيش معايا ف كنت برفض انا مقدرش اعيش من غيرها وكل واحد حر في حياته ومش مطر أنه يتقبل حاجه زي كده وأنه ماما تعيش معايا ف انا قولت ليك اهو وانت قرر ي توافق أنها تعيش معايا ي متوافقش وكل واحد يروح من طريق واحنا لسه ولا جبنا دهب ولا عملنا خطوبه يعني لسه علي البر شوف انت قرارك اي وقولي
يزن. استني بس هو مين قالك أننا هنسبها هيا هتعيش معانا من قبل ما تقولي وانا مرتب كل حاجه متقلقيش وانا كنت هقولك على الموضوع ده بس الفكره هنقنع مامتك ازاي
عشق. لا هو الفكره انت هتقول ل اهلك اي و هيوافقوا ولا لا ده كل القصه إنما حكايه اقناع ماما دي ف سبها عليا
يزن. انا اكيد اهلي مش هيقولوا حاجه ولو كده هنعيش في بيت لوحدينا
عشق. وانا مرضاش انك تبعد عن اهلك بسببي ف شوف اهلك وقرر انت هتعمل اي وانا مستنيه الرد وعادي علي فكره
