رواية نجمة كيان كاملة بقلم هاجر سلامه

عشان خاطري بلاش تعمل كده ده انا ابقى مرات اخوك الله يرحمه مش اخوك وصاك علينا ليه بتعمل فينا كده .
جمال پقسوه..بقولك ايه ياست انتي يلا غوري من هنا روحي في اي حته انا عايز ابيع الشقه دي الشقه مكتوبه باسمي يلا اطلعي بره انتي وبنتك الفقر دي.
إيمان.. طب خليني اشتغل عند مراتك خدامه بس مترميهاش في الشارع احنا ملناش حد في الدنيا غير اخوك الله يرحمه. 
جمال بقسۏة.. لا امشي غوري من هنا يا ست انتي.
إيمان قعدت تترجاه كثير وبنتها اسمها نجمة اللي عندها سنتينن بټعيط على مامتها. 
جمال.. هو انتي يا وليه مش هتسمعي الكلام ومسكها من ذراعها وطلعها بره البيت ومسك بنتها وطلعها وراها.

إيمان قعدت ټعيط وقامت تمشي لقت واحدة جارتها اسمها هويدا اي يا ست ايمان ايه اللي مطلعك ف الوقت دا و بټعيطي ليه.
إيمان حكتلها.
هويدا بصلتها بشفقة وقالت خلاص تعالي اقعدي عندي يومين كده كده جوزي مش هنا مسافر هيجي بعد شهر تعالي عندي لحد اما تشوفيلك حل واعملي اللي انتي عايزاه تعالي اتفضلي ودخلتها عندها وبنتها بدات تنام وهويدا اخدتها وودتها اوضه الاطفال وقعدت مع ايمان تتكلم معاها وتهون عليها.
تاني يوم 
هويدا..بصي يا ايمان في واحده كلمتني على شغل ست محتاجه واحده مربيه لعيالها المرتب هيكون 4000 في الشهر ولو شاطره وكده هتاخذي اكثر هي في فيلا موافقه تروحي ولا لا
إيمان..بلهفه اكيد موافقه كلميها وبكره هروحلها خليها هي بس تديني العنوان بس ياريت تديني اوضه عندها في الفيلا او اي حته المهم يكون في اوضه ليا ولبنتي.
هويدا.. ايوه فعلا ليكي اوضه هناك خلاص هكلمهالك واديكي العنوان تروحي بكره.
إيمان عيطت.. والله ما عارفه اقولك ايه انتي جدعه واصيله جميلك ده هشيله فوق راسي العمر كله.
هويدا.. متقوليش كده احنا اخوات ومفيش بيننا الحاجات دي لو عوزتي اي حاجه كلميني في واحده هناك معاكي شغاله اسمها كريمه لما تشوفيها قوليلها ان انتي ايمان ولو حصل اي حاجه كلميني معاها رقمي
إيمان.. ربنا يسعدك ويفرحك ياحبيتي 
هويدا.. ربنا يخليكي يلا بقى خشي نامي مع بنتك وبكره هصحيكي تروحي وهيكون معايا العنوان بكره الصبح هديهولك.
إيمان.. ماشي تصبحي ع خير. 
هويدا..وانتي من اهله.
تاني يوم
هويدا اديتها العنوان وايمان راحت وصاحبه الفيلا اديتها اوضة جمب المطبخ وحطت بنتها فيها وبدات انها تشتغل بعد شهر من الشغل بدا جوز الست صاحبه الفيلا يبصلها نظرات مش حلوه في الرايحه والجايه وايمان بدات تخاف صاحبه الفيلا اسمها صفاء وجوزها اسمه حسن وعندها ولد ٦ سنين و تؤام بنت و ولد.
حسن بدا يقولها كلام قذر من تحت لتحت.
ف يوم صفاء كانت خارجة وايمان كانت مع الولاد بتنيمهم وكانت فاكره انه حسن جوز صفاء في الشغل بس حصل اللي محدش يتوقعه.
إيمان بعد اما نيمت الاولاد طلعت بره الاوضه وتنزل علشان تشوف بنتها وتاكلها لقت اللي بيمسك بوقها وبيزقها على اوضه اټصدمت انه حسن بدا انه يتحرش بيها وهي بتحاول تبعد عنه وتضربه علشان يسيبها وهو مكتفها وبيحاول يقرب منها اكثر واغتص بها بقوه بعد شويه قامت ايمان وهي مڼهاره من العياط ولبست ونزلت اخذت بنتها وشويه الفلوس اللي كانت محوشاهم ومشيت وقالت حسبي الله ونعمة الوكيل بدات تمشي في الطريق وفجاه لقيت الصدمه.
البارت التاني.
رواية نجمة كيان. 
بقلم هاجر سلامة.
إيمان بدات تمشي في الطريق وفجاه لقيت الصدمه جمال ماشي قدامها.
حاولت تدارى وشها ووش بنتها ومشيت وجمال بصلها وكمل مشي إيمان حمدت ربنا وقالت هروح فين دلوقتي حسبي الله ونعمة الوكيل فيك ياحسن الكلب وفكرت وقالت انا هروح القاهرة محدش عارفني هناك راحت القاهرة وماشية وبتسال علي شقة إيجار بعد لف كتير لقيت شقة صغير قالت مش مهم المهم بنتي تعرف تنام بس.
وعدتت الايام وايمان كانت بتشغل كل حاجة ف البيوت او مكتبه او تبيع خضار وفواكه.
بعد ٢٥ سنة.
إيمان رايحة أوضة نجمة قالت برود غيبوبة مفيش فايدة فيكي راحت تصحيها قومي يابت قومي عندك المستشفى.
نجمة..خليني انام حبه صغيرين بس.
إيمان.. قومي يابت بدل مبجيبلك ابو وردة.
نجمة قامت وقالت لا ع اي هقوم اهو صباح الفل ياست الكل.
إيمان.. صباح النور ياقلبي يلا روحي اغسلي وشك والبسي وتعالي افطري معايا .
نجمة..عيوني وراحت تغسل وشها ولبست بنطلون اسود وبلوزه لونها ابيض وشايبة شعرها وراحت تفطر مع مامتها.
بعد شوية 
نجمة وفي بوقها الاكل قالت خلاص هنزل علشان متاخرة ومينفعش دكتورة المستشفى تتأخر.
إيمان.. ماشي ياحبيتي خلي بالك من نفسك.
نجمة..حاضر وانتي كمان تخلي بالك من نفسك باي.
إيمان. بأي.
نجمة نزلت وركبت عريبتها.
بعد شوية 
نزلت نجمة من العريبة ودخلت المستشفى بغرور والكل بيصلها باحترام دخلت المكتب وبدات تشتغل.
بعد ٦ ساعات.
نجمة سمعت صړيخ جامد طلعت برا لقيت شاب بيزعق ويشتم. 
نجمة اتعصبت وقالت أنت يااستاذ يامحترم دي مستشفى مش سوق هو تكلم بأدب. 
كيان پغضب..انتي عارفة اني ممكن اقفلها حد ياخد امي بټموت. 
نجمة ببرود..انا هعديها علشان خاطر مامتك
وبصتله بقرف كيان بغيظ
نجمة يلا خدوها علي أوضة العمليات.
ماتنسوش تصلوا على النبي.
نجمة احمد الشناوي ٢٧ سنة خلصت كلية طب وفتحت مستشفى باسمها وباسم مامتها بيضاء وعيونها خضرة وجسمها مظبوط عليها لانها بتلعب جيم وطولها نفس الكلام.
كيان حسن العمري عنده ٣٠ سنة ضابط مخابرات ومن اغني اغنياء مصر والشرق الأوسط وذلك لانه لديه اكبر شركة دهب والجديد ف مصر طويل وجذاب بعضلات جسمه رياضي عيونه بني وشعره اسود ودقنه خفيفة بشرته بيضاء شخصيته قوية ملامحه رجوليه والكل بيعمله حساب.
وباقي الشخصيات هنعرفهم مع الأحداث.
بعد ٦ ساعات ف أوضة العمليات طلعت نجمة بتعب .
كيان جري عليها بسرعة وقال امي عاملة اي كان عندها اي 
نجمة..متقلقش يااستاذ مامتك كان عندها الذايدة وعملت العمليه وخلاص هي بقت كويسة كمان ساعة هتروح الاوضة العادية .
كيان..ينفع اخش شوفها.
نجمة..لا مينفعش تروح الاوضة العادية وبعدها تقدر تشوفها ومشيت راحت ع مكتبها.
كيان قعد قلقان علي مامته.
بعد ساعة.
كيان قاعد ومسك ايد مامته وقالها الف سلامه عليكي وجعتي قلبي عليكي كنت ھموت لو حصلك حاجة .
مامت كيان..بعد الشړ ياحبيبي انا كويسة الحمدالله.
دخلت نجمة وقالت الف سلامه علي حضرتك يامدام.
مامت كيان..الله يسلمك يادكتورة.
كيان بصوت واطي..دكتورة بهايم.
نجمة سمعته وبصتله بقرف هو اخد باله بصلها هو كمان بقرف.
دخلت بنت بټعيط.
نجمة بصتلها پصدمة.
ياتري حصل اي.
البارت التالت.
رواية نجمة كيان.
بقلم هاجر سلامة.
نجمة بصتلها پصدمة وقالت ف نفسها استغفر الله العظيم اي اللي هي لبساه دا.
البنت..مامي مالك الف سلامة.
مامتها..الله يسلمك ياحبيتي انا بقيت كويسة.
نجمة ف نفسها..دي بنتها ازاي يعني اخت الراجل الأخضر دا.
استوب.
سالي حسن العمري ٢٢ سنة في كليه ادب بتسقط وتعيد السنة بنت شعرها طويل وعيونها بني وبشرتها بيضا.
نعمة حسن العمري مامت سالي وكيان لكن ف الحقيقية هي مرات ابوهم عندها ٥٤ سنة طيبة وبتحب عيال جوزها كنهم عيالها.
يلا نرجع.
كيان اسمعها وقالها هوريكي الراجل الأخضر هيعمل اي وبصلها بشړ.
نجمة..الف سلامة عليكي يامدام حضرتك محتاجة راحة يومين هنا المهم تلتزمي بالعلاج وتاكلي كويس وانشالله خير.
نعمة..حاضر.
نجمة.. يحضرلك الخير يا مدام ومشيت وهي ماشية لقيت اللي مسكها من فقاها لقيتها صحبتها تمني قالتلها الله يخريبتك