كشفت عن 6 أسباب.. أسما شريف منير تفاجئ جمهورها بتصرف صاډم

أثارت الفنانة أسما شريف منير، حالة جدل كبيرة بعد شاركت منشورا عبر حسابها الشخصي على موقع التواصل الاجتماعي إنستجرام، تعلن فيه حذف صورها الشخصية.

وكتبت أسما شريف منير: شلتي كل صورك ليه؟ عشان عايزه أشارك معاكم حاجة تفرق، تفرق مع شخص واحد بس! طب و هو إيه يعني اللي هيفرق في الصور دي؟ أول حاجة عايزة أوصلها من الصور دي، أنها من غير أي أديت أو فلتر، ودي حاجة انا في صراع دايم فيها، عشان بقيت بحب شكلي بفلتر اكتر و ده شيء محزن، فمحتاجة احس اني حره من الفلاتر والأديت عشان أشجع بنات تكون حسه أحسن.

وتابعت أسما شريف منير: تاني حاجة في صور من شغلي ومشروعي اللي تعبانه فيه جداً و محتاجة اشاركوا معاكم عشان أشجع الناس أنها تأخد خطوة في أنها تبدأ من الصفر عادي مهما كانت مكنتها الاجتماعية، تالت حاجة مشروعي الأصغر هو الفخار، و ده أنا عملته عشان أشجع المنتجات اليدوية الطبيعية الصحية وعشان أنا دلوقتي بختار أغلب اختيارتي في الحياة أي حاجة راجعة للطبيعة،

رابع حاجة لما تخنت كنت مكسوفة بس تقبلت جسمي وحبيته بس ده مش معناه أني مش عايزة أوصل لأفضل شكل صحي لجسمي، فاشغاله عليه وعندي خطة للتغير، بس لحد ما أوصل للنتيجة الصح أنا حبه نفسي وانوثتي وشايفة نفسي تمام اوي.

واستطردت: خامس حاجة، اني بحلم احلام ناويه بكل قوتي أحققها فا بقيت بحط نفسي في الأماكن اللي شبه حلمي بجذب الناس اللي بتفيدني، بحلم أحلام كبيرة بس مش وأنا قاعده علي الكنبة، وأنا بسعي في شغلي ومصدقة أني هوصل لأكتر ما بتمني وده بقولوا عشان أشجعكم أنكم تتحركوا ومتأجلوش اللي نفسكم فيه مهمي كانت الحاجة اللي موقفاكم، سادس حاجة، التأمل في خلق الله، غير حياتي وخلاني أكون شخص أهدي وممتن اكتر، وحساس أكتر.. أنا حقيقي نفسي أفيدكم وأساعد اللي بيتبعوني يكونوا أحسن بأي طريقة ممكنة، وأنا بحضر حاجات جديدة اتمني أنها تكون مصدر ألهام ليكم، وحشتوني اوي”.

 

أسما شريف منير تبيع سيارتها

وفي وقت سابق، فاجئت أسما شريف منيرن جمهورها ومتابعيها بمقطع فيديو، عبر حسابها بإنستجرام، أعلنت فيه أنها قررت أن تبيع سيارتها من أجل أن تبدأ في مشروع خاص بالملابس.
وكتبت أسما شريف منير: قررت أشارككم رحلتي اللي ببدأها من الصفر للمرة الثالثة في حياتي، كنت فاكرة إني هنزل الڤيديو ده بعد سنين كتير بس قلت أكون معاكم خطوة بخطوة، وعايزاكم تكونوا جزء منها.”

وتابعت: أنا بقالي 15 سنة مسؤولة عن نفسي، طبعًا لما بنهار خالص أبويا بيلحقني بس بعيد عن كده ده قراري، أني أكون مسؤولة عن نفسي.. المهم قررت بعد رحلة طويلة من الهيلنج والشغل على تطوير نفسي، أني إحقق حلم كنت بحلم بيه من زمان أوي.
وأضافت: كان دايمًا فيه ناس بتحاربني وبتعطلني إني أحقق حلمي في الشركة دي وكم الناس اللي أحبطتني وقالت لي بلاش ومش وقته وهيحاربوكي، انتي عبيطة في حد يبيع عربيته في الغلي ده، مش هتعرفي تجيبي عربية تاني.