رواية الفراق عنوان حبنا بقلم فاطمة علي الحوراء

" انا هتجوز ابنك يعنى هتجوز ابنك ودا اخر كلام عندى " 

_ انتى اتجننتى يا بت يا ابرار 

= مهو بصراحه كدا كتير وابنك هيشلنى والله 

_ اتقلى شويه متبقيش مدلوقه كدا 

= اتقل اكتر من كدا لحد امتى ها قوليلى لحد امتى لحد ما الاقيه داخل عليا بواحده 

_ يا مجنونه محسسانى ان هو جوزك 

= مهو هيبقى .. بصى من الاخر يا يتجوزنى يا يبور جنبك زى ما انا هبور جنبكم 

_ طب اتلمى قرب يصحى من النوم وخلى فى شوية خشى وحياء عندك 

= والله انا كدا مختشيه اوى واحده غيرى كانت قالتله تعال اتجوزنى واخلص فى يومك 

_ انتى يابت انتى مفيش تربيه انا معرفتش اربى لا انا ولا امك 

= ونبى يا طنط مش وقت تربيه طالما معرفتوش طول السنين هتعرفوا دلوقتى .. نرجع لموضوعنا هنتجوز امتى انا وابنك 

_ وربنا انتى هبله وطول ما انتى هبله كدا مش هيبصلك 

= اهئ اهئ يعنى اموت نفسى عليكم يعنى وانط من على الكنبه واڼتحر واجبلكم مصېبه 

_ بت انا مش ناقصه جنان كل يوم نفس الموال 

= اعمل فى ابنك ايه طيب اسمه يعنى 

_ تسمى مين يابت 

= صح معاكى حق نقتله دا حل مش عملى 

_ يارب صبرنى اتنيلى تعالى نحضر الفطار يا اخرة صبرى 

انا ابرار عندى 20 سنه فى معهد فنى صحى فى سنه تانيه طبعا انا عندى استعداد اخد.السنتين دول واقعد بس لو هتجوز الى مغلبنى... بس لانه دكتور فطبعا هكمل لسه سنتين تكليف وسنتين بكالوريوس ايه الغلب دا عقابى انى بحب دكتور ونبى غلطة حياتى بس هييييح القلب وما يريد بقى وازاى محبوش وانا من صغرى بحبه ... اسامه اسمه حتى يجننن والله هو كله على بعضه يجنن بس دا ميمنعش انه بارد ومعندوش احساس لان قدامه واحده زى القمر زى وميحسش بيها وميجيش يتقدملها ... ماما ومامة اسامه صحاب اوى ولم جم اتجوزوا اتجوزوا اتنين اصحاب وسكنوا مع بعض فى نفس العمارة والشقتين فوق بعض يعنى يا احنا عندهم يا هما عندنا وانا واسامه متربين مع بعض وهو اكبر منى ب 5 سنين ... معرفش حبيته امتى وازاى بس انا قلبى دقله وانا فى الثانويه كان بيذاكرلى وبيراجع معايا و دايما اول ما اخلص امتحان اكلمه اطمنه اوقات لما كنت اكلم ماما الاول كانت تقولى طمنتى اسامه امشى طمنيه .. ماما تقريبا بتحبه اكتر منى والعكس طنط الهام بتحبنى اوى بس اكيد من اكتر من اسامه بس مش مهم منا بحبه اكتر من نفسى واكتر منهم كمان بس هو بارد وجبله ومش بيحس .. بس قمر وطيب وحنين وانا انتيمه زى ما دايما بيقولى .. يارب حنن قلبه عليا يارب .

- صباح الخير يا ماما 

_ صباح النور يا حبيب ماما 

= ايه وانا شفافه 

- اصبرى على رزقك وابلعى ريقك شويه 

= اوووف اهو صبرنا 

يا برى هانم 

= صباح النور يا اوس 

- يابت بطلى الدلع المستفز دا 

= ليه بس هو اوس وحش دا كيوت خالث 

- مش ناقصه فقع مرارة يابت انتى كفايه عليا الامتحانات 

= ربنا معاك يا اوس 

- يخربيت اوس وزفت 

= يووووه خلاص بقى مش هقولها تانى .. انا نازله 

_ بت يا ابرار يابت .. ليه كدا يا اسامه 

- يا ماما الدلع دا بيعصبنى وبعدين هى طفله كل ما اعملها حاجه تتقمص 

_ معلش يا حبيبى انزل راضيها لحسن مش هتطلع تفطر 

- حاضر 

= نزلت ودخلت على المطبخ ودورت على اى حاجه اكلها انا كدا وقت ما اكون مټعصبه او زعلانه ادور على اى حاجه اكلها هو جنان بس دا طبعى .. ماما دخلت ورايا 

_ مين زعلك علشان كدا بتدورى على اى حاجه تاكليها 

= محدش زعلنى 

_ مهو باين على وشك ايه الى زعلك من اسامه 

= هو بارد اصلا وانا مش ههزر معاه تانى .. انسان لزج اصلا

- يخربيت طولة لسانك الى اطول من برج القاهرة 

_ صباح الخير يا حبيبى 

- صباح الفل يا طنط 

_ صالحها يابنى هتخلص على الرز بلبن بتاعك الى عملهولك 

- انتى يا سفاحه ولا باين عليكى الاكل الى بتاكليه دا 

= وانت مالك اخرج من مطبخنا 

- طب هاتى طبق رز بلبن انتى اصلا مش بتحبيه 

= حبيته 

- هو ايه الى حبتيه يا بربورة 

= يع بطل الدلع المقرف دا 

- علشان تحرمى تقولى اوس 

= خلاث مش هقولها تانى 

- من غير ما تتقمصى وتكشرى كدا 

= مش مكشرة اهو عادى 

- طب يلا نطلع نفطر 

= تؤ اش عايزة 

- تؤ هتفطرى معايا يلا علشان محضرلك مفاجأة هتعجبك اوى 

= بجد ايه هى 

- لما ناكل وبلاش زن مفهوم 

= اووووف طيب يلا نطلع 

- يلا ونشوف مين هيطلع اسرع 

= جرينا وهو سبقنى طبعا وقعدنا فطرنا وطبعا الجو ميخلاش من هزارنا ونقارنا فى بعض انا عمرى ما اعرف ازعل منه ولا هو عمره سابنى زعلانه ابداً .. خلصنا فطار وهو نزل يصلى الظهر هو وبابا وبباه وانا انتهزت فرصة ان ماما ومامته بيرغوا ودخلت اوضته فضلت اقلب فى حاجته زى عادتى والحمدلله عمره ما قافشنى فضلت اقلب فى حاجته وكتابته الانجليزى المفعكشه كتابتة شبه نكش الفراخ ههههه مسكت كشكول كبير وتقريبا دا كشكول مراجعته هى دى عادته بس وقع منها ظرف شكله غريب فتحته وحاولت اقرأ الى فيه بس كان كله انجليزى بس معرفش ليه قلبى اتقبض لما قريته مع انى مفهمتش منه حاجه بس اتقبضت منه بس اتفاجئت بالى جه ونتشه منى وبيبصلى پغضب...

رواية الفراق عنوان الفصل الثاني

- انتى ازاى تدخلى اوضتى وتقلبى فى حاجاتى 

= ااااا انا 

- انتى ايه واضح انك اخدتى مساحه فى حياتى اكتر من حقها اه متربين سوا بس الوضع اختلف دلوقتى احنا كبرنا ولازم تعرفى حدودك ومتدخليش اوضة ولد يا هانم يا محترمه .. ايه مش قادرة تصبرى كنت هقولك انى هتنيل اسافر لكن ازاى تصبرى تدخلى وتقلبى فى حاجاتى

= الصدمه شلت لسانى وكل حواسى دا اهانى وخلانى اد ايه انا وحشه قدام نفسى ... معاك حق انا اسفه .. بدأت امشى وانا حاسه ان كل حته فيا بتترعش وبباه ومامته وماما وبابا جم على صوته 

_ ايه يا ولاد فى ايه 

- ........

= ........ محدش فينا رد بس انا اخيرا قدرت اهرب منهم وجريت طلعت على شقتنا ودخلت اوضتى وقفلت على نفسى وفضلت اعيط كتير وبابا وماما حاولوا يكلمونى بس مكنتش بتكلم مع حد ابدا وعدا على اليوم دا اسبوع ودخلنا فى الامتحانات ومكنش بيسال عليا ابدا اد ايه هو معندوش ډم وقاسى وانا غلطانه انى بحب واحد زيه ... بس مقدرش انا مطمنش عليه خصوصا انه اخر سنه كل يوم اكلم طنط الهام ومن غير اى كلمه تقولى ان امتحانه كان كويس وبحمد ربنا انها فهمانى مهى عارفه انى بحب الجبله ابنها 

_ ابرار تعالى يا حبيبتى 

= نعم يا زوزو يا قمر 

_ اطلعى ودى الحاجه دى عند طنط الهام 

= ايوا يا ماما بس 

_ اسامه مش فوق قالتلى انه نزل يلا اطلعى اخلصى 

= حاضر يا حجه بس متزوقيش 

لبست خمارى وطلعت واول ما قربت من الباب سمعت صوتهم عالى .. ايه دا دا كمان اسامه موجود كنت لسه هنزل بس سمعته بيقول اسمى استنيت اشوف بيقولوا ايه انا مش قصدى تصنت والله بس الموضوع واضح انه يخصنى 

_ مالها ابرار هو فى اجمل منها ولا فى اخلاقها وكمان عرفاك وحفظاك وبتحبك وانت كمان بتحبها بس انت الى مش عارف مشاعرك 

- انا احب ابرار دى اختى الى كنت بقعد.اذاكر ليها انا عمرى ما شوفتها زوجه ليا وانا عمرى ما حبتها 

_ طب يابنى هتسافر وتسيبنا انا وابوك لوحدينا اقعد.معانا واتجوز ابرار 

- ابرار ابرار ابرار بقالك اسبوع مفيش على لسانك غير ابرار .. ابرار زعلانه .. صالح ابرار يا اسامه .. يابنى انت زعلتها .. متتفلق وهى تدخل اوضتى ليه وتفتش فى حاجاتى وكمان اخسر حلم عمرى انى اخد.الماجستير والدكتوراه من المانيا علشان خاطر ابرار انا حتى لو قعدت مش هتجوزها انا مبحبهاش ولا عمرى فكرت فيها هى مجرد.جارتنا وبس 

_ خلاص يا اسامه خلاص انا تعبت منك سافر وروح المكان الى انت عايزة بس خليك فاكر انك هترجع وهتدور عليها ومش هتلاقيها وهتضرب نفسك تلاتين جزمه 

- لا مټخافيش عمر دا ما هيحصل انا واثق ان مشاعرى مش هتتغير من ناحيتها 

_ بكره نشوف يا بن بطنى 

= نزلت جرى على شقتنا واول ما دخلت قفلت الباب وسندت عليه وغمضت عينى 

_ ها صالحك ياستى وهترجعى تتنططى تانى وتضحكى ولا هتفضلى فى مود الحزن دا 

= ماما قالتلى الكلام دا وهى قاعده ومديانى ضهرها دخلت وقفت قدامها وانا وشى كله دموع ... انتى كنتى مطلعانى فوق وانتى عارفه انه فوق 

_ ابرار ايه الى حصل يا حبيبتى فى ايه عملك ايه 

= قعدت اضحك وانا بعيط كنت فى حالة هستريا فظيعه وكنت پصرخ وانا بكلم ... معمليش قال بس انه عمره محبنى كنتى مطلعانى علشان اسمع اكتر كلام يوجعنى فى حياتى مش كداااا حرام عليكى يا ماما ليه تعملى فيا كدا 

_ يا حبيبتى والله ما اعرف ان دا كله هيحصل 

= ههههههه واديكى عرفتى يارب تكونى مبسوطه يارب تكونوا كلكم مبسوطين انا بكرهه مش بحبه بكرهه بكرهووو بكرهوووووو 

_ ابراااااااار 

نزلوا على صريخى وفتحت ليهم الباب ودخل اسامه شال ابرار وداها على سريرها واداها حقنه مهدئه 

- ايه الى حصلها يا طنط دى عندها اڼهيار عصبى 

_ فضلت بصاله ومتكلمتش بس الهام فهمت انها سمعت كل حاجه 

- متفهمونى فى ايه 

_ مفيش حاجه هى هتفوق امتى 

- كمان نص ساعه 

قعدناهم فى صمت لحد ما بدات تفوق والغريبه انه هو اول واحد جرى عليها 

- ابرار سمعانى برى رودى عليا 

= فتحت عينى وبدات ابص حواليا كان هو اول حاجه اشوفها غمضت عينى ولفيت وشى الناحيه التانيه 

- برى رودى عليا انتى كويسه 

= انا كويسه بس ممكن تسبونى لوحدى 

_ يا بنتى نطمن عليكى بس 

= انا كويسه ارجوكم سبونى لوحدى 

- حتى انا !؟

= غمضت عينى اوى وعياطى ابتدا يزيد 

- خلاص خلاص هنخرج اهدى .. يلا يا ماما يلا يا طنط سبوها شويه لوحدها 

= خرجوا واول ما خرجوا انا اتحاملت على نفسى وقومت قفلت الباب بالمفتاح 

- انا هطلع يا طنط وهبقى انزل اطمن عليها تانى 

_ هى سمعت كل حاجه يا زينب 

_ اه يا الهام متتخيليش حالة الاڼهيار الى هى كانت فيها 

_ انا اسفه يا زينب حقك عليا 

_ وانتى زنبك ايه القلب وما يريد يا الهام وهى الى علقت نفسها 

_ اوعى تقسى عليها انتى لسه بتقولى القلب وما يريد ودا مش بايدنا يا زينب 

_ هى لازم تفوق بقى يا الهام وتنسى 

_ ربنا يهون عليها الفترة الى جايه انا هطلع وهطمن عليها تانى 

- طلعت البيت ودخلت اوضتى كان قلبى وجعنى عليها اوى اول مرة اشوف ابرار بالتعب دا ياترى ايه الى تاعبها كدا يمكن لما عرفت انى هسافر بس اكيد.مش دا السبب كل دا علشان هسافر معتقدش بس انا قلقان عليها اوى اول ما شيلتها وبقت فى حضنى حسيت انى قلبى اترعش معقول اكون زى ما ماما بتقول اكون بحب ....  لا مستحيل انا عمرى ما حسيت بكدا معاها دماغى طول الليل وانا بفكر فيها لحد ما نمت لان كان عندى امتحان 

= عدى اسبوعين وانهاردة اخر يوم امتحانات ليا كنت فى المواصلات مروحه معرفش عدو ازاى بس عدو فى صمت وحزن وبس وكنت بتلاشى اسامه بكل الاشكال بعتلى فيس وواتس مكنتش برد  نزلى وكنت بقفل على نفسى وماما تقوله نايمه انا خلاص لازم افوق ... بس هو انا فعلا هقدر انساه ومقدرتش اتحكم فى دموعى من الواضح انى مش هقدر ولا هعرف انساه يارب اربط على قلبى يارب فتحت الفون ولقيت رسايل كتير اوى منه ومن صحابى فتحت الفيس وكتبت على صفحتى 

الفصل الثالث

" لا تتكلم عن القهر ، وانت ما جربت تتجاهل شخص وبداخلك حب كبير له "...

كتبتها وقفلت ومردتش على حد ووصلت البيت وانا طالعه كان هو نازل يا الله اد.ايه واحشنى ومفتقداه 

- برى فينك يابنتى مختفيه 

= الامتحانات بقى 

- اه ياعينى انتى لسه مخلصه انا مخلص من بدرى 

= اه معلش .. بعد اذنك 

- ابرار 

= نعم 

- انتى كويسه ؟ .. انتى متغيرة اوى 

= لا ابدا كان ضغط الامتحانات بس 

- يعنى هترجعى تتنططى تانى وتجننينا وتاكلى الرز بلبن بتاعى 

= اكيد.طبعا 

- ماشى يا بربورة 

= بربورة فى عينك يا لزج 

- يخربيت دى شتيمه 

= ويخربيت دا دلع دا دلع مقرف 

- خلاص يا ستى متزعليش .. انا هنزل بقى علشان هشترى شوية حاجات ليا للسفر 

= تمام 

- باى 

= بااى 

دخلت الشقه وانا كنت خلاص قناع القوة الى كنت رسماه بينهار اول ما دخلت قفلت الباب ووقفت اعيط وببص ورايا لقيت بابا باصصلى جريت عليه واترميت فى حضنه فضل حاضنى كتير وبيملس على شعرى وخدنى ونيمنى وفضل يقرالى قرأن لحد.مانمت دى اول مرة انام فيها مرتاحه من ساعة ما تعبت وبعد ما صحيت طلبت منهم انى اسافر عند.خالتى فى اسكندريه وبعد.الحاح كبير على بابا وافق وسافرنا كلنا يوم وهما رجعوا وانا الى فضلت هناك واتفقت معاهم مش هرجع الا لما اسامه يمشى ووافقوا الحمدلله 

- عمى حمد الله على السلامه .. امال فين ابرار 

_ ابرار عند.خالتها هتقعد.كام يوم 

- ايه !؟ وازاى تسيبها يا عمى وكمان خالتها دى عندها ولدين ازاى تسيب ابرار معاهم لوحدها 

_ دول ولاد خالتها يا اسامه وهيخافوا عليها وهيحطوها فى عينهم 

- بس الزفت الى اسمه ممدوح دا دايما بيعاكسها وهى بتدايق _ هى هتعرف توقفه عند حده يا اسامه .. تصبح على خير 

- جريت على شقتنا ومسكت التلفون وبحاول اكلمها ومش بترد.عليا ... رودى يا ابرار رودى بقى رنيت كتير لحد.ما ردت 

= اسامه 

- بلا اسامه بلا زفت انتى مرجعتيش ليه مع طنط وعمى 

= عايزة اقعد فى اسكندريه شويه اريح اعصابى 

- هتريحيها عند.ممدوح الى مش بطقيه 

= ممدوح ابن خالتى وهو كان بيهزر 

- انا مش مصدقك بجد انتى بتدافعى عنه 

= اسامه انا مضطرة اقفل خالتو بتنادى مع السلامه 

- دى قفلت السكه ..... فى ستييييين داااااهيه 

_ اسامه فى ايه وايه الى كسر الفون 

- مفيش حاجه .. انا الى كسرته كنت متعصب بس 

_ معلش يا حبيبى ابقى هات غيره ، سابته وخرجت  .. دى ذرة من الى هتحسه بعد.كدا يا بن بطنى 

= انهارده اسامه هيسافر بعدت ومنستهوش ولا راح ثانيه عن بالى انا عارفه انه بيغير من ممدوح هو بيغير من اى راجل كان ممكن يقرب منى انا عارفه انه غيور اوى بس بيغير عليا لانى جارته وبس .. انهارده هيبعد.عنى ولمدة اربع سنين كمان يعنى مۏت بالبطئ هو انا ممكن افضل فكراه .. طب هفضل مستنيه ليه هو يعنى ممكن يحبنى ههههه طبعا لا بس انا الى بحب اتوهم واوجع قلبى على الفاضى .. كنت باصه من البلكونه وكان فى طيارة فى السماء ممكن دى تكون طيارته حاسه ان قلبى هيقف مش مصدقه انى مش هشوفه تانى فتحت الفيس وكتبت 

" لما كل هذا الفراغ في قلبي💔

أين هي إبتسامتي 

رحلت مع من كان يرسمها على وجهى " ....

الفصل الرابع

" لما كل هذا الفراغ في قلبي💔

أين هي إبتسامتي 

رحلت مع من كان يرسمها على وجهى " 

بعدها مسحت الفيس والماسنجر وكنت مقررة ان اول ما هرجع القاهرة هغير رقمى مش عايزة اتواصل معاه ابدا ...

خالتى وولاد.خالتى اصروا يفسحونى قبل ما امشى واسافر ونزلنا وقعدنا على البحر وكأنى كنت بشكيله من اشتياقى لحبيبى 

_ بتحبيه ؟

= هو مين دا 

_ اسامه 

= ايه الى بتقوله دا يا ممدوح 

_ ابرار انا عارف انك بتحبيه وكان باين اوى من معاملتك 

= ودا يفيد بأيه دلوقتى خلاص يا ممدوح 

_ بس مش خلاص فى قلبك 

= لانه مش بأيدى 

_ ابرار انا بحبك وطلبت ايدك من عمى وجاتلى وظيفه فى مصر وهكون قريب منك 

= بصتله پصدمه ومكنتش عارفه اتكلم خالص 

عدى على منقشتنا دى سنتين ورفضت وممدوح قدر موقفى .. اد ايه تعبت فيهم ومقدرتش انساه ابدا حبه لسه فى قلبى زى ما هو اد ايه چرحنى لما رجعت مصر وسالت ماما سال عليا ولا لا وكان ردها انها سكتت وبصت فى الارض من يومها وانا بحاول انساه بس مقدرتش عملت فيس جديد ومبقتش افتح القديم وكنت بدخل على صفحته اشوف صوره الجديدة وشوفته يوم ما اخد الماجستير ونزل صوره وكان زى القمر يومها جريت على طنط وورتها صورته يومها فضلت بصالى لحد ما بصتلها وانهرت من العياط ووقتها قالتلى ميستاهلش ضفرك اللزج دا وقتها ضحكت ونزلت وكنت فرحانه لفرحته الى باينه فى عيونه ووقتها اقتنعت انى عمرى ما هنساه ولا هحب غيره 

" كيف يمكن ان تنحل عقدة حبك التى ربطها على قلبى " 

صحيت فى يوم على صوت دوشه وعرفت من الصوت ان خالتى جاتلنا هى وعيالها قمت لبست وجهزت وخرجتلهم وقعدنا نهزر وكدا 

_ طب اقوم اجهز الغداء بقى 

 = انا نفسى اكل بيتزا يا جدعان كدا مينفعش فينك يا اسا....... ، كله سكت بعد الى قولته حقيقى طلعت منى عفويه لانه كان دايما يجبهالى ويجبلى شوكلاته وايس كريم ونقعد.ناكل انا وهو فى البلكونه 

= احم ها هتجبولى البيتزا ولا لا 

_ من عنينا هنزل اجيبها ومتعمليش غداء انهارده يا خالتى 

= شكرا يا ممدوح مش قصدى اتعبك مش مهم نجيبها فى اى وقت تانى 

_ مفيهاش تعب يا ابرار ولا حاجه هنزل اجيبها بسرعه 

_ انزلى معاه يا ابرار 

= ماما 

_ قومى يا زفته 

= طيب يخربيت التدبيسه دى انا لسانى دا عايز قطعه اصلا انى طلبت بيتزا ... نزلنا وروحنا نجيبها وانا كنت شايله تلاته وهو شايل تلاته 

_ انا هاخد.واحده من الى معاكى 

= دول بتوعى التلاته وانتوا خمسوا بقى فى التلاته دول 

_ هتاكلى التلاته لوحدك 

= الله اكبر انت هتنق عليا ولا ايه 

_ مهو مش باين عليكى بصراحه كمية الاكل دى 

= مهو دا احلى حاجه يابنى 

_ بردو هاخد واحده 

= بعيييينك 

سيبته وطلعت اجرى وهو طلع ورايا جرى وباب الشقه كان مفتوح دخلت بسرعه وانا بضحك 

= بردو مش هتاخد من الى معايا 

_ ابرار 

= يا ماما هو الى ....

المفاجأة شلت لسانى وحركتى معقوله الى انا شيفاه دا 

= اسامه !!

- ابرار 

= اتحكمت فى فرحتى بشكل انا ذات نفسى مصدقتوش ... حمدالله على السلامه وصلت امتى 

- لسه واصل اخبارك ايه 

= كان باين غضبه وغيرته فى عيونه ... الحمدلله 

_ حمد الله على السلامه يا دكتور 

- الله يسلمك ياخويا 

_ يلا يا حبيبتى علشان ناكل .. اتفضل معانا يا دكتور 

- حبيبة مين يا بتاع انت متلم لسانك 

= اسامه 

- ايه مش سمعاه بيقولك ايه 

_ هو عيب اقول لخطيبتى يا حبيبتى 

- خطيبتك !!!؟ 

_ ايه دا يا برى انتى مقولتلهوش ولا ايه 

= انا كنت مذهوله وساكته وهو باصصلى اول مرة الاقى فى عيونه نظرة رجاء انى اكدب الكلام دا واستغربت ممدوح وكان نفسى اضربه بالقلم بس بصراحه خليه يخلص تارى شويه 

- مبروك عن اذنكم 

= سابنا وطلع وانا كنت حاسه بغضبه واول ما قفل الباب ... انت اټجننت انت بأى حق تقوله كدا هو انت خطيبى 

_ اهدى يا ابرار 

= اهدا ايه وزفت ايه ليه تقوله كدا 

_ لانه بيحبك ومش هيفوق غير كدا 

_ ممدوح معاه حق يا ابرار اسامه محتاج يحس انك ضعتى من ايده 

= اسامه عمره ما هيحبنى افهموا بقى فات سنتين محسش بيا فيهم هيجى يحس دلوقتى 

_ انا راجل واعرف الراجل اللى بيحب والى بيغير هو بيحبك يا ابرار بس غبى 

= متشتموش انت فاهم انا بس الى اشتمه 

_ والله انتى طقه الله يعينه عليكى 

= انتوا بتحلموا لكن انا بقى فوقت .. انا داخله البلكونه وهاكل لوحدى 

دخلت علشان خلاص ھموت واعيط كمان هشحط حبه كمان والله عال يا سى اسامه انا قولت والله جبله .. فتحت البيتزا وقعدت اكل وانا بعيط عاده زفت والله دخل ممدوح وقعد.قصادى 

_ تعرفى انك انتى الوحيده الى شوفتها بتاكل وهى بټعيط 

= عادة منيله بعيد.عنك 

_ معلش يا خالتى ربنا يشفيكى 

= خالتك مين هنهزر ولا ايه 

_ ابرار انا هساعدك انه يعترف بحبه دا اذا اصلا سابلى فرصه ومخطفكيش 

= تفتكر كلامك دا صح 

_ بكره الايام تثبتلك 

عدى يومين ومشيت خالتى وماما نزلت تشترى حاجات وبابا فى السوق وفجأة لقيت الباب بيخبط لبست خمارى وفتحت لقيت اسامه 

- ازيك يا ابرار هانم 

= اذيك يا اسامه بيه 

- بتتريقى كمان ليكى نفس 

= وميبقاش ليا نفس ليه ان شاء الله 

- ايه خطيبك المبجل سابك وسافر 

= اه ليه 

- انتى فعلا اتخطبتى ومن غير ما تبلغينى وتعالى هنا دا احنا بينا حساب عسير من سنتين

= دا الى هو ايه بقى ان شاء الله وتحاسبنى بتاع ايه 

- لانى انا انتيمك وليا حق عليكى 

= يعنى تحاسبنى علشان انتيمى انا اعرف الى يحاسبنى يبقى بابا او ماما او خطيبى حبيبى 

- اخرسى حبك برص 

= انتى بتغيرى يا بطه 

- بغير فى عينك انا اغير من الديك الشركسى دا 

= ليه دا حتى دوحه جنتل مان 

- جنتل وخرا على دماغك لما اخنقك دلوقتى هيبقى كويس

= انت بقيت عصبى اوى يا اوس 

- والله .. لسه فاكره اوس انتى انا مليش لازمه عندك 

= زى ما انا عمرى ما كان ليا لازمه عندك 

- انتى غبيه مين الى قالك كدا 

= انا عارفه من غير ما حد.يقولى 

- انتى كل حاجه فى حياتى 

= انت قولت ايه 

- مقولتش انا ماشى وقفتنا دى غلط اصلا 

= هرب بس قالى احلى كلمه فى الدنيا قبل ما يهرب هو حاليا بيهرب من نفسه يارب صبرى ميروحش على الفاضى 

- ايه الى انا فيه دا انا قولت انى مش بحبها بس طول السنتين مكنتش بفكر الا فيها بنات كتير كانت بتحاول تقرب منى بس مكنتش بقدر اتكلم حتى مع حد ايقنت انى بحبها وان ماما عندها حق .. ورجعت الاجازة دى علشان اتجوزها ونسافر ازاى ارجع الاقيها بقت خطيبة حد.تانى انا منمتش من امبارح وبفكر كام مرة قالها بحبك كام مرة مسك ايدها اااااااااه حاسس بڼار مش قادر لا لازم يسيبها ابرار بتاعتى انا لوحدى ومش هسمحله ياخدها منى ابدا ... كنت واقف فى البلكونه وسرحان فيها ولقيته نازل من التاكسى انا يا قاټل يا مقتول انهارده 

_ الدكتور بذات نفسه بيستقبلنى 

- اسمع يا جدع انت ابعد.عن ابرار احسنلك 

_ ابعد.عن خطيبتى ازاى يعنى 

- هى مش خطيبتك انا مش عيل مفيش حد منكم ايده فيها دبله وكمان فى مكان شغلك عندك زميلتك الى بتحبها وبتجهزوا لخطوبتكم بعد.شهر 

_ احيك بصراحه ابهرتنى بس الشرع محلل اربعه 

- ابرار عمرها ما هتوافق طبعا 

_ بس هى موافقه 

- بقولك ايه صبرى نفد منك حتى لو موافقه ابرار مش هتتجوز غيرى 

_ وسيبتها ليه من سنتين 

- كنت لازم اسافر 

_ كنت غبى وضيعتها من ايدك 

- كنت زفت وقطران وندمت ورجعت اتجوزها 

_ مش لما تشوف رأيها هى الاول 

- موافق وانا واثق انها اختارتنى من سنين 

_ بلاش غرور

- خليك فى حالك 

طلعوا فوق وخبطوا عليهم ودخلوا 

- ابرار انتى مش هتتجوزى غيرى فاهمه 

= كنت بصاله ببرود كلامه مأدهشنيش ابدا مغرور وجبله كمان كالعاده

_ هو مش مقتنع يا برى اننا مخطوبين لمجرد اننا مجبناش الدبل ميعرفش اننا بنجهز لفرح كبير وجواز عالطول 

- متصدقهوش دا بيحب واحده تانيه وعايزك تكونى الزوجه التانيه انتى مينفعش تتجوزى غيرى 

= انت غلطان يا دكتور اسامه .. ليه مينفعش اتجوز غيرك يعنى الحياة مش بتقف على حد وعمرها ما هتقف عليك ابدا 

- يعنى ايه 

= يعنى انا هتجوز ممدوح يا دكتور .

الفصل الخامس والأخير

= يعنى أنا هتجوز ممدوح يا دكتور 

نظرة عيونه وجعتنى بس هو غبى لو كان قالى بحبك كنت قولتله وأنا بمۏت فيك لكن هو جاى يقولى أنتى مش هتجوزى غيرى غرور وتناكه وكأنه بيأمورنى زى الخدامه بتاعته وأنا عمرى ما هسمحله بكدا أبدا سابنا ومشى .. وأنا دخلت أوضتى مكنتش عايزة أدخل فى مواجهه مع ممدوح لأنه هيقولى كلمته الشهيرة أنتى خسارة فيه يا أبرار الكلمه دى بتوجعنى أوى بتحسسنى إنى أخترت غلط وأسامه عمره ما كان إختيار غلط بس هو إلى غبى ومغرور ..... عدى يومين وكنا وقت صلاة الفجر وصليت وقعدت أدعى كتير أوى بس اټخضيت على صوت الباب بيخبط جامد روحت فتحت وبابا وماما صحيوا 

= طنط إلهام خير 

_ إلحقينى يا أبرار أسامه تعبانه أوى 

= أسامه ... طلعت جرى ومستنتهمش 

= أسامه .. أسامه رد عليا 

- أبرار أنا بحبك أوى أوعى تسبينى 

= أسامه أنت سخن مولع مش وقت الكلام دا ... مسك ايدى وحطها عندرقلبه 

- شوفى بيدق إزاى كل دقه فيه بإسمك 

= أسامه 

- والله بحبك يا أبرار 

= قالها ونام من التعب جريت على تحت وجبت حقنه خافضه للحرارة وادتهاله وعملتله كمدات مايه سقعه أنا عارفه الدور دا أسامه مش بيتعب كتير بالبرد بس زى ما بيقولوا إلى مش بيتعب بيه كتير لما بيجيله بيكون شديد أوى ... اد إيه كانت ملامحه تعبانه وأد إيه قلبى رفرف لما اعترفلى بحبه .. كنا قاعدين معاه أنا ومامته وابتدا  يفوق 

- أبرار 

= أنا هنا يا أسامه الف سلامه عليك 

- الله يسلمك 

= الحمدلله الحرارة نزلت شويه 

- شكرا مكنش لازم تتعبى نفسك 

= اتأكدت أنه رجع لغروره تانى خرجت وعملتله شوربة علشان يشربها وياخد العلاج وقولت لطنط إلهام ونزلت .. كنت بطلع كل يوم أطمن عليه وهو نايم وأنزل .. عدى أسبوع وجه ممدوح بلغنا بمعاد خطوبته وهتكون فى قاعه كبيرة أوى ... وجه يوم الفرح وأنا كنت لابسه فستان بنفسجى جميل وخمار ابيض وتاج ورد بنفسجى وكنت زى القمر وروحنا القاعه وأول ما دخلنا الدنيا كانت ضلمه أوى 

= ماما .. بابا روحتوا فين 

فجأة اضاءة جامده اتسلطت عليا وسمعت صوته فى المايك اه هو إلى تاعب قلبى معاه 

- أنا أسف مهما أعتذرت عمرى ما هكفر عن تعبك إلى سببتهولك عمرى ما هكفر عن دمعه واحده نزلت بسببى أنا مكنتش أتخيل أنى أكون سبب وجعك .. أنا أسف أنا كنت غبى ومش شايف حبى ليكى وإزاي محبكيش وأنتي الوحيده إلى شاركت معاها كل تفاصيلى إلى شيلتها على أيدى وإلى كنت بذاكر ليها وسهرت الليل جنبى وأنا تعبان ... أسف يا أميرتي إنى ضيعت وقت كبير من حياتنا بغبائى سامحينى .. تقبلى تتجوزينى 

= كنت مصدومه وبعيط 

- أبرار أوعى ترفضى أنا والله بحبك أوى 

= وأنا كمان بحبك 

- لا أنا هكتب الكتاب وبعد كدا نتصرف سوا 

= الدنيا كلها نورت وبانت إن الكوشه لعروستين وعريسين وفهمت إنهم اتفقوا مع بعض هو وممدوح على كدا 

- يلا ياعمى أبوس إيدك نكتب الكتاب بدل ما اخطڤها والله 

_ حاضر ياخويا يلا 

" بارك الله لكما وبارك عليكما وجمع بينكما فى خير " 

_ مبروك يا نن عين أبوكي روحى يلا يا برى أسامه بقى جوزك دلوقتى 

= الله يبارك فيك يا بابا .. بصتله ومتكلمتش قرب منى ومسك أيدى وباسها 

- النهاردة أسعد يوم فى حياتى 

= بجد مبسوط يا أسامه 

- دا أنا هطير من السعاده يا قلب أسامه 

= بحبك 

- قولتى إيه 

= بحبك ... شالنى وفضل يلف بيا 

- وأنا بحباااااااك 

= نزلنى دوخت 

- لا أنا مبسوط كدا 

= نزلنى يا لزج 

- أنا لزج يا بربورة 

= بربورة فى عينك يا لزج 

- كنت ھموت لو مكنتيش بقيتى ليا 

= فى ناس تانيه هتموتك فرحهم باظ بسببنا 

- سيبك منهم يستاهل علشان يبقى يقولك يا حبيبتى حبه برص

= هههههه غيووووور 

- إزاى مغيرش على كتلة الفتنه إلى فى أيدى دى 

= أسامه بس 

- إيه دا يا بربورة هو أنتى بتتكسفى 

= أمال لا يا خويا 

- أيوا كدا أطلعي بالشبح إلى جواكى 

=  طب حاسب لشبح ياكلك 

- دا حبيبى وأنا هاكله هو وصاحبته

= طب أتلم 

- طب بحبك  .

سأحملك بأعماق قلبي للأبد،كأمانة يحرم عـﻠﻲّ تركهـا.