رواية اطفت شعلة تمردها كاملة بقلم دعاء احمد

الفصل الاول 
ورده يا بشا.. ورده يا هانم 
كانت ماشية في الحديقة و معلقه صدوق صغير في اديها مليان ورد .. الناس كلها بصتلها فغنت الدنيا ربيع و الجو بديع .. مع إن دا مش فصل الربيع خالص .. بصت قدامها لقت اتنين ماسكين ايد بعض فراحت عندهم و قالت بضحكة ورده يا أستاذ 
أخد منها الورده و عطاها حقها و قال انتي أي اللي منزلك تشتغلي كدا .. مش المفروض تكوني في كليتك دلوقتي 

بصيتله بابتسامة حزن و قالت اكل العيش مر يا بيه .. و احيانا الظروف بتحبرك انك تتخلي عن الحاجة اللي بتحبها 
البنت اللي جمبه قالت ربنا معاكي يا حبيبتي وربنا ييسرلك امورك فعلا معاكي حق 
مشيت من الحديقة بعد ما باعت شوية ورد .. مشيت و دموعها على خدها من ظروف انجبرت أنها تعيشها .. مهو اصل الواحد مش بياخد كل حاجة دا نصيبك يا مريم اي هتعترضي .. استحملي دا بعد الصبر جبر و كله عشان خاطر اختك .. اي دا! 
حديقة جديده انا أول مره أشوفها في المنطقة دي هدخل ابيع فيها شوية ورد يمكن يخلص و اروح ل ندي بدري .. دخلت الحديقة و قلبها مقبوض بتبص ملقتش حاجة في الأول دخلت لجوه شوية شافت مناظر خلت معدتها تقلب
مريم استغفر الله العظيم استغفر الله العظيم اي دا يا ربي فين أهالي الناس دول .. دول مشافوش بربع جنيه تربية احسن حاجة امشي من المكان دا بسرعة .. كانت لسه هتمشي بس اټصدمت من اللي حصل
اذكروا الله
ادهم بشا يا بشا
ادهم خير يا شويش عطية في حاجة
عطية يا بشا جالنا بلاغ أن العنوان دا مخل بالاداب بس متغطي عليه من بره
ادهم معلومات اكتر يا شويش عطية
ادهم بصراحة يا بشا البلاغ اللي اتقدم من فاعل خير بيقول إن الحديقة دي بيحصل فيها حاجات غير أخلاقية.. بين شباب طايش و متخطي عليها من بره أنها حديقة عادية
ادهم پغضب ادي أمر للقوة تجهز يا عطية و هات عنوان الحديقة دي
الشاويش عطية اداله العنوان .. و مشي يدي خبر للقوة تجهز و هو عارف إن ادهم كريه عينه أنه يلاقي قضايا الآداب ..
اذكروا الله
كان قاعد هيفرقع من ساعة ما جاله خبر القضية .. لحد ما الباب خبط
ادهم بنرفزة ادخل
دخل واحد و هو بيقول بمرح ادهومي حبيبي والله ليك وحشه يا حضرة الظابط
ادهم بغيظ انت شرفت يخويا و بعدين اي ادهومي دي ما تتلم يلا
جري أي يا جدع هو انت قفل كدا لي ما تفكها شوية و اضحك .. طلعلك تجاعيد في وشك بسبب قله ضحك دي
ادهم بنفاذ صبر ادخل يا زفت و اقفل الباب دا وراك و استعد هتطلع معايا الكمين الجاي دا كمان عشر دقائق
نعاام يخويا دا انا لسه مفطرتش عاوزني اطلع مهمه و انا لسه مفطرتش طب افرض دخت منك والا وقعت من طولي هتبقي مبسوط انت كدا ! اه يا اللي محدش مهتم بصحتك يا طروق اه يا اللي هتقضيها محلول جلكوز يا طروق
ادهم يا ابني متخلنيش اتغابا عليك اترزع بقي و اسمعني كويس أوي عشان الكمين دا لازم يتمسك و مش لازم يروح ليهم خبر إن البوليس شم خبر عن المكان دا
لوي طارق فمه و قال يبقي قضية آداب طلما مش طايقة نفسك كدا ولا طايق حد قول يخويا قول
ادهم بص الخطه هي ....... و قاله الخطة التموليه للمهمة
طارق بشا عليا الطلاق بشا .. بس قولي يا دومي يا حبيبي مين اللي هيدخل الأول
بصله آدم بخبث و قال متقلقش يا برنس المره دي أنا اللي هدخل الأول ....
اذكروا الله
لفت و ماشية من الحديقة لقت اللي في وشها بصلها بقرف من فوق لتحت و قال علي فين يا حلوة قدامي يلا من غير صوت احسنلك
مريم پصدمة يلا فين حضرتك أنا مش كدا والله العظيم انا كنت جاية استرزق و ابيع ورد فكراها حديقة محترمة 
ضحك و قال انتي هتعمليهم عليا يا بنت انتي و هو في واحدة محترمة هتدخل أماكن زي دي تعالي معايا و هدفعلك اللي انتي عوزاه
مريم بص حضرتك انا هخرج من المكان دا لأنه مش شبهي قولتلك إني جاية ابيع ورد
لسه هيتكلم لقي ايد خبطت علي ظهره و قال يا مرحبا خدهم يبني على البوكس دا احنا هنعمل شوية قواضي عنب
مريم پصدمة و دموع بوكس ! بوكس اي انا مظلومة والله العظيم مظلة انا كنت جاية ابيع الورد والله ما كنت أعرف أنه مكان مش كويس ابوس ايدك انا مليش في الكلام دا و عمري ما دخلت القسم
ادهم بسخرية صادقة يا شريفة صادقة و بص للعسكري و قاله خدهم على القسم و يلا لملي كل اللي في المخروبة دي كمان
العسكري تمام يا ادهم بشا و يصلهم و قال يلا قدامي انتوا الاتنين ..
مريم اسمعني والله ملحقتش تكمل كلامها و لقت صوت صفاره البوكس داخله عليهم و واحد بص من شباب العربية و بيقول ها يا برنس خلصت ننزل نلم وألا لسه
ادهم انزل يلا و خدهم كلهم على القسم يا بشا أما اللي عملالي فيها شريفة دي و شاور على مريم تسبوهالي في مكتبي انا اللي هتعامل معاها
مريم بدموع و شهقات انا مظلومة والله انا معملتش حاجة و بصت اللي كان واقف معاها و قالت ابوس ايدك قولهم اني معرفكش و اني مش كدا .. و شهقت و قالت انت مش كنت عاوز تاخدني معاك جوه و انا رفضت ابوس ايدك قولهم إني مش معاهم
ادهم لا انتي هتبوسي فعلا بس هتبوسي جذمتي عشان ارحمك من اللي هعمله فيكي و بص للعسكري بتبريقة و قال بزعيق أنا مش قولت تاخدها مستني ايه
مسك العسكري مريم من دراعها و قال قدامي انتي لسه هتتكلمي حبتيلي الكلام مع البشا 
مريم بدموع طب بعد اذنك سيب ايدك من على دراعي و انا همشي معاك لوحدي .. العسكري بصبها و صعبت عليه فسأب دراعها و مشي جمبها من غير كلام ..
مشيت و بدعي جوها إن ربنا يخرجها من اللي هي فيه .. اللهم إني لأ اسالك رد القضاء ولكني اسالك اللطف فيه يا رب انت عارف إني مظلومة قادر تظهر الحقيقة يا رب انا صبرت و صابره على بلائك بس عشان خاطر ندي مش عشان خاطري انا .. يا رب انا شوفت كتير و من اقرب ناس ليا مش هعتب على الغريب أنه يعاملني كدا بس انت قادر ترد المظلوم حقه
طارق بهمس بقولك يا دومي
ادهم بصلهم بتبريقة فقال بسرعة معلش يا برنس بس انت مش شايف إن البنت فعلا معاها حق هي كانت خارجة من المكان و انت تقريبا سمعت كل الحوار اللي حصل بينها و بين النطع اللي كان معاها دا